Шууд Chart

Австралид 9-16 насныханд зориулсан роботын тэмцээн болж байна

2016-11-25 11:16:07

"Анхны лего лиг" буюу олон улсын роботын тэмцээний 9-16 насныханд зориулсан тэмцээн Австралид болж байна. Австралийн муж хот тус бүрт тэмцээн зохион байгуулагдаж, ялсан мужийн баг ирэх сард Сидней хотод болох "Үндэсний лего лигийн тэмцээн"-д өрсөлдөх эрхтэй болох юм.

Өчигдөр Квинсланд энэ тэмцээн болсон бөгөөд тус хотын Технологийн их сургуульд зохион байгуулагдав. Уг тэмцээн нь хүүхдүүдийн компьютерийн ур чадварыг ихээхэн шалгаж байгаагаас гадна зохион бүтээх, багаар ажиллах зэрэг олон чадварыг шалгадаг юм.

Тэмцээний гол дүрэм нь өөрсдийн зохион бүтээсэн роботоор лего угсарч уралдана. Хэн хамгийн хамгийн бага хугацаанд алдаагүй, цэвэр гүйцэтгэлтэй хийж чадсан баг тэмцээний ялагч болно. Тэмцээнийг судлаачид орчин үеийн техник технолиогоор дамжуулан сурагчдын боловсролын идэвхид сайнаар нөлөөлж болохыг тайлбарлаж байна.

Тухайлбал, робот зохион бүтээхдээ хүүхдүүд математик, шинжлэх ухаан, технологи гээд олон зүйлийг судлах шаардлагатай болдог учир сурагчдыг хичээлдээ шамдахад түлхэц болдог байна.

Нийтэлсэн: Moнголын мэдээ

Австралид 9-16 насныханд зориулсан роботын тэмцээн болж байна   
Үзсэн: 983 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү

Бидэнтэй нэгдээрэй