Шууд

"Бостон Брюинс" 22 дахь хожлоо авлаа

2017-01-11 17:58:16

Хойд Америкийн үндэсний хоккейн лигийн тэмцээний хүчирхэг багуудын нэг “Сент-Луис Блюз” өнөөдөр “Бостон Брюинс” багийг талбайдаа хүлээн авлаа. Энэ өдөр зочин баг Бостон хотын “Баавгайнууд” өрсөлдөгчөө илүүрхэн тоглож, эхний үед 3 гоолыг оруулсан нь тоглолтын үр дүнд шууд нөлөөлсөн. Энэ удаад Фрэнк Ватрано, Брэндон Карло, Брэд Маршанд нар гоолыг оруулжээ. Бостоны шилдэг довтлогч 28 настай канад залуу Брэд Маршанд улирал эхэлсэнээс хойш 15 гоол оруулж, 23 оновчтой дамжуулалт өгөөд байна. Тэрээр өнөөдөр өрсөлдөгчийнхөө хаалганд 2 шайбыг оруулсан юм. Улмаар Бостон өрсөлдөгчөө үндсэн цагт 5:3-н харьцаатай хожжээ. Тэдний хувьд лигийн дүрэм ёсоор энэ улирал 82 тоглолт хийнэ. Үүнээс одоогоор 44 тоглолтод оролцож, 22 хожсон амжилтаараа 49 оноотойгоор дорнод бүсийн 6-р байрт бичигдэж байна. Харин “Сент-Луис Блюз” өрнөд бүсийн 6-р байрт 47 оноотой улирлыг үргэлжлүүлж байна.

Нийтэлсэн: О.Сонинбаяр

"Бостон Брюинс" 22 дахь хожлоо авлаа  
Үзсэн: 245 Mongolian National Broadcast  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү

Бидэнтэй нэгдээрэй