Шууд Chart

Генийн эмчилгээгээр нүд сохрох өвчнөөс сэргийлэх боломжтой

2017-02-15 12:54:49

Нүд нь сохорч болзошгүй байсан өвчтөнүүдийн хараа генийн эмчилгээний тусламжтайгаар сайжирч, энэ нь анагаах ухааны салбарт бас нэгэн дэвшил авчирсан талаарх мэдээллийг хүргэх гэж байна. Их Британийн эрдэмтдийн хийсэн клиник судалгааны үр дүнд генийн эмчилгээгээр сайжирсан хараа эргэн муудалгүй, тогтох боломжтой гэсэн дүгнэлтийг гаргажээ.

Ингэснээр удамшлын шалтгаанаар хараагүй болох магадлал өндөртэй байсан өвчтөнүүдийн харааг генийн эмчилгээний тусламжтай сэргээх боломжтой боллоо хэмээн шинжээчид онцолж байна. Харин шинэ он гарсаар янз бүрийн генийн эмгэгээс үүдэлтэй хараагүй болох аюулыг генийн эмчилгээний тусламжтай эмчлэх туршилтаа эрдэмтэд эхлүүлээд байгаа юм. Сохролтын эсрэг генийн эмчилгээ гэдгийг эмч мэргэжилтнүүд дараах байдлаар тайлбарлаж байгаа юм. Генийн эмгэгээс үүдэн хараагүй болж байгаа хүнд тухайн генийн ажиллагаатай хувилбарыг нүдний уг руу тарьснаар, энэ гень эсийн нөхөн төлжилт явагдахад туслалцаа үзүүлэх юм. Дээрх аргаар хүний харааг нөхөн сэргээх эмчилгээг Их Британийн 14, АНУ, Канад, Герман, зэрэг бусад орны 18 өвчтөн дээр өнгөрсөн 5 жилийн хугацаанд туршилт хийжээ.

Туршилтын үр дүнд Оксфордын их сургуулийн судалгааны баг Хорой-Деремия гэх ховор эмгэгийг эмчлэх боломжтой болсон. Энэ эмгэгтэй хүн эцэг эхээсээ алдаатай ген өвлөн авснаасаа үүдэн нүдний торлог бүрхэвчнийх нь эсүүд аажмаар үхжиж, хараагүй болдог юм. Харин генийн эмчилгээгээр ийм эмгэгтэй хүмүүсийг хараагүй болох аюулаас авраад зогсохгүй, үхжиж байгаа зарим эсийг нь нөхөн төлжүүлж, ингэснээр хараа эргэн сэргэж, сайжирч байгааг тогтоосон байна.

Нийтэлсэн: Moнголын мэдээ

Генийн эмчилгээгээр нүд сохрох өвчнөөс сэргийлэх боломжтой  
Үзсэн: 1973 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү
Сайхан мэдээ байна [127.0.0.xxx] 2019-12-05 23:19
Энэ мэдээллийг хаана ямар мэдээлэлээс олсон бэ би эмнэлэг эмчтэы холбогдмоор баына

Бидэнтэй нэгдээрэй