Шууд

"Сан-Хосе Шаркс" талбайдаа хожигдлоо

2017-02-16 19:31:09

Хойд Америкийн үндэсний хоккейн лигийн тэмцээнд өнгөрсөн улирал өрнөд бүсийн аваргаар тодорсон, энэ цаг үеийн шилдэг багуудын нэг “Сан-Хосе Шаркс” өнөөдөр алдарт Яромер Ягр тэргүүтэй “Флорида Пантерс”-ыг өөрийн талбайдаа хүлээн авлаа. Лигийн домогт тамирчдын нэг, Чехийн алдарт хоккейчин Яромер Ягр өчигдөр 45 нас хүрсэн билээ. 2 баг энэ өдөр 3 үеийн 60 минутын турш мөсөн талбайд эн тэнцүүхэн өрсөлдөж, үндсэн цаг 5:5-ын харьцаатай тэнцээгээр өндөрлөсөн юм. “Аварга загасууд”-ын төвийн довтлогч Жо Павелски энэ өдөр талбайд шилдэг тоглолтоо гаргаж, 2 гоол оруулж, 2 гоолын дамжуулалт өгсөн байна. Түүний хувьд энэ улирал эхэлсэнээс хойш нийтдээ 52 оноо авсан шилдэг амжилттай тоглож байгаа юм. Тэгвэл “Пантерс”-аас Финлянд залуу Александр Барков шилдэг тоглолтоо үзүүлж, мөн 2 шайбыг өрсөлдөгч багийнхаа хаалганд оруулжээ. 2 багийн тоглолтын нэмэлт үе эхлээд төд удалгүй Жонатан Юбердо хожлын гоол оруулж, “Пантерс”-ын хоккейчид улирлын ээлжит хожлоо авсан юм. “Шаркс”-ын хувьд энэ тоглолтод хожигдсон ч 74 оноо авсан амжилтаараа өрнөд бүсийн дэд байрт бичигдсэн хэвээр үлдлээ.

Нийтэлсэн: О.Сонинбаяр

"Сан-Хосе Шаркс" талбайдаа хожигдлоо  
Үзсэн: 251 Mongolian National Broadcast  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү

Бидэнтэй нэгдээрэй