Шууд

Барилга, нийтийн аж ахуйн салбарын удирдах ажилтны зөвлөгөөн болно

2017-04-20 15:19:29

Жил бүр уламжлал болгон зохион байгуулдаг "Барилга, нийтийн аж ахуйн салбарын удирдах ажилтны зөвлөгөөн” 2017 оны 4 дүгээр сарын 28-нд Төрийн ордонд болно. Зөвлөгөөнийг Монгол Улсын Засгийн Газар, Барилга, Хот  Байгуулалтын Яам, Газар зохион байгуулалт, геодези, зураг зүйн газар, Барилгын Хөгжлийн Төв зэрэг байгууллагууд хамтран зохион байгуулж байна.

Энэ үеэр Нийтийн аж ахуйн зөвлөгөөн 4 дүгээр сарын 29-нд Барилгын Хөгжлийн ТөвдХөдөлмөр аюулгүй байдал, эрүүл ахуйн үндэсний зөвлөгөөн 4-р сарын 29-нд Нийслэлийн Иргэний Танхимд тус тус болох юм. Зөвлөгөөнөөр салбарт хийж хэрэгжүүлэх төсөл хөтөлбөрүүд, тулгамдсан асуудал, шийдвэрлэх арга замын талаар холбогдох байгууллагуудын төлөөлөл илтгэл тавьж, хэлэлцүүлэг өрнүүлнэ.

Түүнчлэн зөвлөгөөнд зориулсан “Барилга.МН” сэтгүүлийн тусгай дугаар гарч, барилгын салбарын төр болон хувийн хэвшлийн байгууллагуудынхаа мэдээллийг тэнцвэртэйгээр хүргэж, тэдний дунд холбогч гүүр нь болохоор ажиллаж байна.

Мөн барилгын салбарт үйл ажиллагаа эрхлэгчид, орон сууцны төсөл хэрэгжүүлэгчид, барилгын материал үйлдвэрлэгчдийнхээ үйл ажиллагааг дэмжсэн “Barilga Expo 2017” Олон улсын үзэсгэлэн худалдааны эхний үзэсгэлэн 4 дүгээр сарын 28-30-ны өдрүүдэд Мишээл Экспо төвд болох юм. Бүтээн байгуулалтын ажил эрчимтэй өрнөж эхэлдэг хаврын улирлын эхний салхийг хагалсан эдгээр арга хэмжээнд барилгын салбарын нийт аж ахуйн нэгж байгууллагууд та бүхнийг оролцохыг урьж байна.

Зөвлөгөөнд оролцогчдыг Барилгын хөгжлийн төвийн 313 тоотод бүртгэж байна.
Дэлгэрэнгүй мэдээллийг 327442, 99027376, 96613377 дугаарт холбогдон лавлана уу.
“Barilga Expo 2017” Олон улсын үзэсгэлэнгийн бүртгэл: 77113333, 99000981

Барилга, нийтийн аж ахуйн салбарын удирдах ажилтны зөвлөгөөн болно  
Үзсэн: 163 Mongolian National Broadcast  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү

Бидэнтэй нэгдээрэй