Шууд

С.Зориг агсны хөшөөнд цэцэг өргөж, хүндэтгэл үзүүлэв

2017-04-21 07:39:59

УИХ-ын гишүүн Ж.Батзандан, Л.Болд нар өчигдөр (2017.04.20) Улс төрийн нэрт зүтгэлтэн С.Зориг агсны мэндэлсний 55 жилийн ойн өдрийг тохиолдуулан хөшөөнд нь цэцэг өргөж, хүндэтгэл үзүүллээ.

УИХ-ын гишүүн Ж.Батзандан хэлэхдээ “1990 оны цагаан морин жил мянган мянган залуучуудын жагсаалыг удирдаж, зохион байгуулж байсан хүмүүсийн нэг бол Санжаасүрэнгийн Зориг. Монгол Улсад шинэ улс төрийн үзэл санаа, ардчилал, хүний эрх, эрх чөлөөний давалгааг авчирсан ардчиллын лидер 1998 онд харамсалтайгаар амь насаа алдсан.  Энэ хэрэг одоо болтол шалгагдаж байна. Залуучууд бид С.Зоригийн эхлүүлсэн үйл хэрэг, улс төрийн үзэл санаагаар бахархаж явдаг” гэв.

УИХ-ын гишүүн Ж.Батзандан С.Зориг агсны мэндэлсний 55 жилийн ойг Монгол орон даяар тэмдэглэн өнгөрүүлэх тухай УИХ-ын тогтоолын төслийг санаачлан, УИХ-ын дарга М.Энхболдод өргөн барьсан билээ. Тус тогтоолын төсөлд нийт 20 гаруй арга хэмжээг 2017 онд зохион байгуулахаар тусгажээ. Тухайлбал, оюутан залуучуудын дунд “С.Зориг гэж хэн бэ” сэдэвт эссэ, илтгэлийн уралдаан, түүний нэрэмжит шатрын тэмцээн, дурсгалын ном, зохиол, телевизийн нэвтрүүлгүүдийг хийхээр төлөвлөсөн юм байна.


С.Зориг агсны хөшөөнд цэцэг өргөж, хүндэтгэл үзүүлэв  
Үзсэн: 265 Mongolian National Broadcast  

Анхааруулга:

Монгол Улсын Сонгуулийн тухай хуулийн холбогдох заалтын дагуу сайтын сэтгэгдэл бичих хэсгийг хаасан болно.

Бидэнтэй нэгдээрэй