Шууд Chart

Тамхи хууль бусаар оруулж ирэх гэж байсан Монгол жолооч саатуулагдлаа

2017-04-21 12:32:49

Украин-Унгарын хил дээрх шалган нэвтрүүлэх “Лужанка” пост дээр Украины хилийн цэргийн алба, Аюулгүйн алба болон Татварын албаны байцаагчид олон тооны хайрцагтай тамхи ачсан микро автобусыг саатуулжээ.

Беларусь Улсын дугаартай, “Мерседес” маркийн дээрх автобус нь онцгой албан татварын тэмдэгтэй, дипломат шуудан гэх наалттай маш их хэмжээний тамхи ачсан байжээ.

Машиныг унаж явсан этгээд нь Монгол Улсын иргэн байсан бөгөөд тэрбээр хууль бусаар их хэмжээний тамхи хил нэвтрүүлэхээр завдсан хэрэгт ийнхүү буруутгагдлаа.

Албаныханд тэрбээр өөрийгөө Австри дахь Монгол Улсын Элчин сайдын яаманд ажилладаг хэмээн танилцуулжээ.

Энэ талаар албаныхнаас эх сурвалж лавлахад “Хилийн шалган нэвтрүүлэх постон дээр ажиллаж байсан байцаагчид түүнийг сандарсан байдалтай байсныг анзаарсан. Ингээд жолоочид машин доторхийг шалгах хүсэлтэй байгаагаа илэрхийлэхэд жолооч машинаас бууж, машины хаалгыг онгойлгохоос татгалзсан” хэмээжээ.

Машинд хэдий хэр хэмжээний тамхи байсан нь одоогоор тодорхойгүй байна.

Сонирхуулахад, өнгөрсөн жил хугацаа нь дууссан дипломат паспорттой Монголын иргэн Украины хилээр есөн мянган гривений үнэ бүхий тамхи хууль бусаар оруулахыг завдсан хэрэг гарч байсан билээ. Түүнийгээ мөн л дипломат шуудан гэсэн наалт бүхий хайрцганд хийсэн талаар мэдээлж байв.

Нийтэлсэн: У.Баярсайхан

Тамхи хууль бусаар оруулж ирэх гэж байсан Монгол жолооч саатуулагдлаа  
Үзсэн: 367 Mongolian National Broadcast  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү

Бидэнтэй нэгдээрэй