Шууд Chart

“Их 20”-ын санхүүгийн тэргүүлэгчдийн уулзалт эхэллээ

2017-10-13 14:52:09

Их 20-ын гишүүн орнуудын сангийн сайд, төв банкны удирдлагуудын уулзалт АНУ-ын нийслэл Вашингтон хотноо эхэллээ. Уулзалт 2 өдөр үргэлжлэх бөгөөд энэ үеэр Их 20-ын сангийн тэргүүнүүд дэлхийн эдийн засагт тулгараад буй эрсдэл, мөнгөн урсгалын талаар санал солилцох юм байна.

АНУ, Европын төв банк засгийн газрын мөнгөн урсгалыг дэмжих бондын худалдан авалтын хөтөлбөрөө бууруулах алхам хэрэгжүүлж байгаа бөгөөд ингэснээр хөгжиж буй орнуудын бэлэн мөнгөний урсгал АНУ, Европ руу шилжин орох байдал үүсч болзошгүй. Үүнтэй холбоотойгоор дэлхийн зах зээлд тогтворгүй байдал үүсч магадгүй байгаа юм. Түүнчлэн Умард Солонгосын хурцадмал байдалтай холбоотойгоор олон улсын эдийн засаг буурах эрсдэлд орж болзошгүй тул уулзалтын үеэр тэргүүлэгчид Пхеньяны талаар зөвлөлдөх төлөвтэй байна.

Уулзалт эхлэхээс өмнө Японы банкны тэргүүн Харихико Курода сэтгүүлчдэд АНУ, Европын төв банкны бодлогын талаар мэдээлсэн юм. Түүнчлэн улс бүрийн эдийн засаг заавал ижил чиглэлээр урагшлах шаардлагагүй хэмээн мэдэгджээ. Мөн тэрээр Япон улс аль болох хурдан хугацаанд инфляцийн түвшинг 2 хувь болгохын тулд одоогийн баримталж буй бодлогоо үргэлжлүүлэхээ амласан байна.

Нийтэлсэн: Moнголын мэдээ

“Их 20”-ын санхүүгийн тэргүүлэгчдийн уулзалт эхэллээ   
Үзсэн: 336 Mongolian National Broadcast  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү

Бидэнтэй нэгдээрэй