Шууд Chart

ХХААХҮ-ийн сайд Б.Батзориг: Олон улсын төсөл хөтөлбөрүүдийн үр дүн цаас болоод үлдэх ёсгүй

2018-01-14 09:48:08

Хүнс, хөдөө аж ахуй, хөнгөн үйлдвэрийн сайд Б.Батзориг салбартаа гадаадын зээл тусламжаар хэрэгжиж буй төсөл хөтөлбөрүүдийг үр дүнтэй хэрэгжүүлэх, төслийн үр өгөөж салбарт болон Монголын ард түмэнд үр өгөөжтэй байх тал дээр анхаарал хандуулж байна.

 

Монгол улсын эдийн засаг, нийгмийн гол тулгуур хөдөө аж ахуй, хөнгөн үйлдвэрийн салбарын үйл ажиллагааг идэвхижүүлэх, чадавхийг сайжруулахад олон улсын төсөл хөтөлбөрүүдийн туслалцаа, нөлөө чухал юм. Иймээс ХХААХҮ-ийн сайд энэ онд  олон улсын төсөл хөтөлбөрүүдийн үйл ажиллагааг салбарын хөгжлийн бодлоготой уялдуулах, үр дүнг сайжруулах тал дээр  нэлээдгүй ажлыг төлөвлөөд байгаа юм. Сайд Б.Батзориг олон улсын төсөл хөтөлбөрүүдийн үйл ажиллагаа, хэрэгжилт, үр дүнтэй танилцаж цаашдын үйл ажиллагаагаа ХХААХҮЯ-ны бодлого зорилготой хэрхэн уялдуулах тал дээр санал солилцон, чиглэл өглөө.

 Монгол Улсын эдийн засаг хямралтай, гадаадын зээлийн өр төлбөр Монголын ард түмний нуруун дээр байгаа энэ хүнд үед хэрэгжүүлж буй төсөл хөтөлбөрийнхөө үр дүнг сайжруулж, хариуцлагатай ажиллаж хэрэгжүүлж буй ажлынхаа үр дүнг  цаасан дээр биш монголын ард түмний аж амьдралд сайн нөлөө болгохыг хүслээ.

ХХААХҮ-ийн сайд Б.Батзориг олон улсын төсөл, хөтөлбөрүүдийн зүгээс хамтран ажиллах санал, санаачлагыг үргэлж нээлттэйгээр хүлээн авч, эрх мэдлийнхээ хүрээнд шийдвэрлэж, дэмжиж ажиллана гэдгээ илэрхийллээ.


ХХААХҮ-ийн сайд Б.Батзориг: Олон улсын төсөл хөтөлбөрүүдийн үр дүн цаас болоод үлдэх ёсгүй   
Үзсэн: 621 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү

Бидэнтэй нэгдээрэй