Шууд Chart

Замын цагдаа нарт мансууруулах бодисын талаар сургалт орлоо

2018-01-14 15:07:53

Эрүүгийн цагдаагийн албаны Хар тамхитай тэмцэх газраас замын цагдаагийн алба хаагчдад мансууруулах эм, сэтгэцэд нөлөөт бодисын ойлголт, хойшлуулшгүй ажиллагааны талаар сургалт зохион байгууллаа.

Сургалтаар алба хаагчид үүргээ гүйцэтгэж байхдаа мансууруулах эм, сэтгэцэд нөлөөт бодис хэрэглэсэн, хадгалж, тээвэрлэж яваа жолооч, зорчигчтой таарсан тохиолдолд ямар арга хэмжээ авахыг болон энэ тухай шинээр батлагдан мөрдөгдөж буй хуулиудад хэрхэн заасан талаар мэргэжлийн албаныхан хичээл орсон юм.

Замын цагдаагийн албаны хэлтсийн ахлах мэргэжилтэн, цагдаагийн ахмад Я.Соронзонболд “Замын цагдаагийн албаны алба хаагчид энэхүү сургалтад хамрагдсанаар энэ төрлийн гэмт хэргийг илрүүлэх, таслан зогсоох ажилд ихээхэн дэмжлэг болно” гэдгийг онцолж байв.


Замын цагдаа нарт мансууруулах бодисын талаар сургалт орлоо  
Үзсэн: 372 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү

Бидэнтэй нэгдээрэй