Шууд Chart

Автобуснуудад их цэвэрлэгээ хийлээ

2018-02-14 11:37:12

Улаанбаатар хотын Ерөнхий менежерийн шуурхай зөвлөгөөнөөс нийтийн тээврийн үйлчилгээ эрхлэдэг аж ахуй нэгж, байгууллагуудад өгөгдсөн үүрэг даалгаварын дагуу өнгөрсөн амралтын өдрүүдэд нийтийн тээврийн үйлчилгээнд явдаг бүх автобус, троллейбусыг хамруулсан их цэвэрлэгээг зохион байгууллаа.

Энэ сарын 12-ны өглөө автотээврийн хяналтын улсын байцаагч нар 17 аж ахуйн нэгжийн 781 нийтийн тээврийн хэрэгслийг шугам замд гарахын өмнө дотор, гадна цэвэрлэгээ, суудлын бүрээсийн бүрэн бүтэн байдал, ерөнхий өнгө үзэмж, урд, хажуу, хойд талын чиглэлийн хаяг, хаягны гэрэлтүүлэг, заалны дулаацуулга болон гэрэлтүүлгийг голчлон шалгаж, илэрсэн зөрчлийг даруй арилгах үүрэг даалгаврыг ААН-үүдэд өгч ажилласан.

Мөн өнөөдөр дахин шалгалт хийхэд ААН-үүд зөрчлийг нэн даруй арилгасан байв гэж нийслэлийн Тээврийн газраас мэдээллээ.


Автобуснуудад их цэвэрлэгээ хийлээ  
Үзсэн: 245 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү

Бидэнтэй нэгдээрэй