Шууд Chart

Дэлхийн хамгийн анхны бүрэн роботжуулсан рестораныг нээлээ

2018-05-09 10:00:00

Дэлхийн өнцөг булан бүрт үйлчлүүлэгчдээ татах маркетинг, менежментийн олон төрлийн өвөрмөц шийдэлтэй ресторан байдаг. Сүүлийн үед зарим жижиг хоолны газрууд роботын технологийг салбартаа түлхүү нэвтрүүлэх болсон жишиг ажиглагдах болсон. Тэгвэл Бостон хотноо дэлхийн хамгийн анхны бүрэн роботжуулсан рестораныг нээсэн таатай мэдээ байна.

Роботын төхөөрөмжөөр хангагдсан рестораныг Массачусетсийн Технологийн хүрээлэнгийн дөрвөн оюутан, мэргэжлийн тогоочид хамтран бүтээсэн юм байна.

Дэлхийн хамгийн анхны бүрэн роботжуулсан рестораныг "Spyce" гэж нэрлэжээ. Энэ рестораны хоолны бэлдэцийг хангах нийт долоон төрлийн зориулалтын автомат блок байдаг. Роботын тоног төхөөрөмжийн сонирхолтой, мөн амтат хоолонд дуртай үйлчлүүлэгчид хүссэн хоолоо захиалан идэх боломжтой.

Захиалсан хоолны дагуу бүхий л үйлдлийг автоматаар шат дамжлагатайгаар хийж гүйцэтгэнэ. Жишээ нь, нэг төрлийн төхөөрөмж нь хүнсний ногоо, жимс хариуцдаг бол өөр нэг нь махан бүтээгдэхүүн, түүнчлэн гурил, будаа, амталгаа гэх мэт ээлж дараалалтайгаар үйлдлүүдээ хийнэ. Индукцэн плитка дээр хоолоо хийж хуурна. Ашигласан сав суулгаа ч автоматаар угааж цэвэрлэнэ. Үйлчлүүлэгчдийн хоолыг автоматаар аягална.

Бүрэн роботжуулсан тоног төхөөрөмжүүдээр хангагдсан рестораны үйлчлүүлэгчид тэдний захиалсан хоолыг хэрхэн бэлтгэж, хийж байгааг шууд харж, үзэх бичлэг хийх боломжтой. "Spyce" рестораны роботын төхөөрөмжийн хэвийн ажиллагааг мэргэжлийн тогооч хөндлөнгөөс харж ажиглан хянана. Хоолны орц, амталгаан дээр хяналт хийнэ гэсэн үг. Хоолны амт чанарыг шүүмжлэгчид тус рестораны роботын бэлтгэсэн хоолыг өндрөөр үнэлсэн байна. Цаашид рестораны салбараас хальж, гэртээ ч ийм технологийг нэвтрүүлэх боломж нээгдэж байна гэж онцоллоо.

Нийтэлсэн: Moнголын мэдээ

Дэлхийн хамгийн анхны бүрэн роботжуулсан рестораныг нээлээ   
Үзсэн: 1611 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү

Бидэнтэй нэгдээрэй