Шууд Chart

Аз жаргалтай гэр бүл байхын нууцаас...

2018-05-15 10:36:30

Аз жаргалтай сайхан гэр бүлтэй байхын тулд чамгүй хичээл зүтгэл гаргах хэрэгтэй. Гэр бүл гэдэг  нэг гэрт хамтран амьдрагсад биш. Бие биенээ ойлгож, хэрэгтэй үед дэмжлэг үзүүлдэг, үргэлжийн харилцан холбоонд оршдог онцгой нэгэн “нөхөрлөл” юм. Сайн гэр бүлийн “мөрдөх дүрэм” буюу жаргалтай гэр бүлийн эрхэмлэх  энгийн зарчмуудаас хүргэж байна.

Гэр бүлийг чинь юу ч орлохгүй

Энэ дүрмийг эрчүүд сайн ойлгох хэрэгтэй. Мэргэжил, албан тушаал, нийгмийн байр суурь гэр бүл үр хүүхдийг чинь орлоно гэж байдаггүй. Ямар ч хэцүү байсан энэ хоёрыг аль алиныг нь хослуулан амьдарч сурах хэрэгтэй. Албан тушаал дэвшиж, нийгэмд өөрийн байр суурьтай байхын тулд бас таныг хайрладаг гэр бүлтэй байх хэрэгтэй шүү дээ.

Сайхан гэр бүл тэнгэрээс унаад ирдэггүй

Аз жаргалтай гэр бүл тэнгэрээс унаад ирдэггүй, зүгээр өөрөө бий болчихдоггүй гэдгийг эхнэр нөхрийн хэн хэн нь сайтар анхаарах хэрэгтэй. Хэн хэнээс чинь их хичээл зүтгэл, сэтгэл, ухаан шаарддаг. Ялангуяа бүсгүй хүнээс бүр ч илүү ур чадвар шаарддаг.

Санал зөрөлдөх,  маргаан гарахад бурууг нь эхлээд өөрөөсөө эрж хайгаарай

Гэр бүлийн хоёр маргалдахад нэг нь буулт хийх хэрэгтэй. Тэгээд ч өөрийнхөө буруугүйг нотлох гээд оролдоод эхлэх юм бол хэн нь ч буруутай болохыг хүсдэггүй. Тиймээс энэ бүх байдлын бурууг эхлээд өөрөөсөө эрж хайгаарай. Мэдээж бусдын буруу нүдний өмнө байдаг бол хүн өөрийн бурууг ил гаргахыг боддоггүй шүү дээ. Эхлээд өөрөө тайвшрахыг оролдох нь чухал байдаг. Харин дараа нь зохих арга хэмжээг авч болох юм.

Бүх зүйлд сэтгэл дундуур загнаж  болохгүй

Энэ бол эзэгтэйд ихээхэн хамаатай. Бүх зүйлд сэтгэл дундуур, хямсгануур эмэгтэйд эрчүүд дургүй байдаг. Зарим эмэгтэйчүүд үргэлэ сэтгэл дундуур байгаагаа илэрхийлж, үглэж байдаг. Энэ бол гэр бүлээ “сөнөөх” нэг шалтгаан юм шүү. Зөвхөн бүсгүйчүүд л гэр бүлийн, гоо сайхны болон бусад асуудлаар дүүрэн байдаггүй. Эрчүүдэд ч гэр бүлийн, эр хүний, ажил хэргийн түм буман асуудал байдаг гэдгийг ойлгох хэрэгтэй.

Чухал асуудлыг битгий ганцаараа, бие дааж шийдвэрлэ

Гэр бүлтэй шууд холбоотой томоохон чухал асуудлыг ганцаараа толгой мэдэн шийдвэрлэх гэсний хэрэггүй. Гэр бүлийн асуудалд хариуцлагыг эхнэр, нөхөр хамтдаа үүрдгийг бүү март. Та бүхэн хамтдаа нэг завинд сууж яваа гэдгээ санаж яваарай.


Аз жаргалтай гэр бүл байхын нууцаас...  
Үзсэн: 2396 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү
Зочин [202.179.11.xxx] 2018-05-15 12:59
Охидууд өөрсдөө э хүний араас гүйж байж нөхрөө болгодог л буруу. Анхнаасаа хайргүй хүн нөхөр нь болчихоод хайрлахгүй шүү дээ.
Зочин [183.177.98.xxx] 2018-05-15 15:55
ter unen hairtai huniihee bool ni bsnaas hairgui huniihee haan bsan deer gj unen ug em hun dasaj hairladag er hun durlaj hairladag.... gdgiig sana ser.. ohidoo...

Бидэнтэй нэгдээрэй