Шууд Chart

АНУ: Умард Солонгосын байдлыг анхааралтай ажиглаж байна

2018-05-17 16:09:33

Умард Солонгос улсын эрх баригчид өчигдөр АНУ болон Өмнөд Солонгосын хамтарсан цэргийн сургуулилтыг өдөөн хатгалга хэмээн мэдэгдэж, өмнөд хөрштэйгээ товлоод байсан Засгийн газрын түвшний дээд хэмжээний уулзалтаа гэнэт цуцалж байгаагаа мэдэгдсэн.

Үүнээс гадна ирэх зургаадугаар сард зохион байгуулагдах гэж байгаа АНУ болон Умард Солонгосын удирдагчийн дээд хэмжээний уулзалтыг цуцалж магадгүй тухай ч Умард Солонгосын Гадаад хэргийн дэд сайд Ким Ки Гван мэдэгдсэн.

Харин Трампын засаг захиргаа хоёр удирдагчийн дээд хэмжээний уулзалт цуцлах тухай албан ёсоор мэдэгдсэн зүйл байхгүй. Энэ уулзалтыг зохион байгуулах бэлтгэл ажлыг хангаж буй тухайгаа мэдэгдсэн. АНУ-ын төрийн тэргүүн Умардын мэдэгдлийн талаар "Цагаан ордон"-д мэдэгдэл хийхдээ "Пхеньяныг ямар шийдвэр гаргах, одоогийн нөхцөл байдлыг анхааралтай ажиглаж байна. Вашингтон хэлэлцээр хийх хүсэлтэй хэвээр байна" гэж мэдэгдлээ.

Хэрвээ Пхеньян ирэх зургаадугаар сард болох уулзалтыг цуцлах шийдвэр гаргавал АНУ Умардад үргэлжлүүлэн эдийн засгийн дарамт шахалтыг үргэлжлүүлэн үзүүлсээр байх болно гэсэн байр сууриа илэрхийлсэн байна. Ер нь Вашингтоны талаас тавьж байгаа гол нөхцөл бол цөмийн зэвсгээс Пхеньяныг татгалзуулах юм.

Хэрвээ Умардын тал хүлээн зөвшөөрвөл тус улсын эдийн засгийг сэргээн босгоход туслахад АНУ бэлэн байгаагаа тус улсын төрийн нарийн бичгийн дарга Майк Помпео Пхеньянд айлчлах үеэрээ илэрхийлсэн юм. Мөн цөмийн зэвсгээс татгалзах асуудлаар Умард Солонгосын талаас бодитоор харагдахуйц үр дүнтэй алхам хийх хүртэл хоригууд хэвээр үргэлжилнэ гэдгийг ч АНУ-ын талаас илэрхийлсэн байна.

Нийтэлсэн: Moнголын мэдээ

АНУ: Умард Солонгосын байдлыг анхааралтай ажиглаж байна   
Үзсэн: 351 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү

Бидэнтэй нэгдээрэй