Шууд Chart

Энэ долоо хоногт цаг агаар ямар байх вэ?

2018-07-30 15:36:57

Цаг уур, орчны шинжилгээний газраас гаргасан 2018 оны 7 дугаар сарын 30-наас 8 дугаар сарын 06-ныг хүртэлх цаг агаарын урьдчилсан мэдээг та бүхэнд хүргэж байна.


- Долоодугаар сарын 31-нд нутгийн баруун хэсгээр, наймдугаар сарын 1-3-нд ихэнх нутгаар, 4-нд нутгийн зүүн хагаст бороо хуртай, зарим газраар усархаг бороо орох тул үер ус, нөөлөг салхи, аянга цахилгааны аюулаас сэрэмжтэй байхыг онцгойлон анхааруулж байна -

Баруун аймгуудын нутгаар: Долоодугаар сарын 31-нд нутгийн өмнөд хэсгээр, наймдугаар сарын 1-2-нд нутгийн зүүн хэсгээр бороо орно. Дуу цахилгаантай. Салхи 31-нд нутгийн өмнөд хэсгээр, 1-нд нутгийн зүүн хагаст түр зуур 16-18м/с, бусад хугацаанд борооны өмнө түр зуур ширүүснэ. 1-2-нд нутгийн зүүн хэсгээр сэрүүсч Монгол Алтайн нуруу, Хангайн уулархаг нутаг, Завхан голын эхээр шөнөдөө 4-9 хэм, өдөртөө 14-19 хэм дулаан, Алтайн өвөр говиор шөнөдөө 15-20 хэм, өдөртөө 27-32 хэм дулаан, бусад нутгаар шөнөдөө 9-14 хэм, өдөртөө 19-24 хэм дулаан байна. Бусад хугацаанд Алтай, Хангайн уулархаг нутгаар шөнөдөө 7-12 хэм, өдөртөө 18-23 хэм дулаан, Алтайн өвөр говиор шөнөдөө 19-24 хэм, өдөртөө 31-36 хэм дулаан, бусад нутгаар шөнөдөө 12-17 хэм, өдөртөө 23-28 хэм дулаан байна.


Төвийн аймгуудын нутгаар: Долоодугаар сарын 31-нд баруун хэсгээр, наймдугаар сарын 1-2-нд ихэнх нутгаар, 3-нд нутгийн өмнөд хэсгээр бороо орно. Дуу цахилгаантай. Салхи 31-нд нутгийн өмнөд хэсгээр, 3-нд зарим газраар түр зуур 16-18м/с хүрч ширүүснэ, бусад хугацаанд борооны өмнө түр зуур ширүүснэ. 31-2-нд сэрүүсч Дархадын хотгор, Хөвсгөл, Хангай, Хэнтийн уулархаг нутгаар шөнөдөө 4-9 хэм, өдөртөө 14-19 хэм дулаан, бусад нутгаар шөнөдөө 9-14 хэм, өдөртөө 19-24 хэм дулаан байна. 3-нд баруун хэсгээр, 4-нд ихэнх нутгаар дулаарна.



Зүүн аймгуудын нутгаар: Наймдугаар сарын 2-нд нутгийн баруун хэсгээр, наймдугаар сарын 3-4-нд ихэнх нутгаар, 5-нд нутгийн зүүн хэсгээр бороо орно. Дуу цахилгаантай. Салхи 2-нд нутгийн баруун хэсгээр, 3-нд ихэнх нутгаар, 4-нд зүүн хэсгээр түр зуур 16-18м/с. 3-5-нд сэрүүсч нутгийн хойд хэсгээр шөнөдөө 8-13 хэм өдөртөө 19-24 хэм дулаан, бусад нутгаар шөнөдөө 11-16 хэм өдөртөө 24-29 хэм дулаан, бусад хугацаанд ихэнх нутгаар шөнөдөө 14-19 хэм өдөртөө 28-33 хэм, ялангуяа 2-3-нд зарим газраар өдөртөө 32-37 хэм хүрч хална.   


Говийн аймгуудын нутгаар: Долоодугаар сарын 31, наймдугаар сарын 2-нд нутгийн баруун хэсгээр, 3-нд зарим газраар, 4-нд зүүн хэсгээр бороо орно. Дуу цахилгаантай. Салхи 2-3-нд зарим газраар түр зуур 15-17м/с хүрч ширүүснэ. 3-4-нд хойд хэсгээр сэрүүсч Дундговийн нутгаар шөнөдөө 11-16 хэм өдөртөө 21-26 хэм, бусад нутгаар шөнөдөө 14-19 хэм, өдөртөө 25-30 хэм дулаан, бусад хугацаанд шөнөдөө 17-22 хэм өдөртөө 30-35 хэм, ялангуяа 2-3нд зарим газраар өдөртөө 33-38 хэм хүрч хална.


Энэ долоо хоногт цаг агаар ямар байх вэ?  
Үзсэн: 990 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү

Бидэнтэй нэгдээрэй