Шууд Chart

Пакистаны ерөнхий сайд Энэтхэгийн удирдагчдад харилцан ярилцахыг уриаллаа

2018-08-30 11:22:12

Пакистаны ерөнхий сайд Имран Хан Энэтхэгийн удирдагчдад хандаж: орон хооронд байгаа зөрчилдөөнийг харилцан ярилцах замаар шийдэхийг уриаллаа. “Ядуурлыг гэтлэн давж, ард олныхоо амьдралын түвшинг дээшлүүлэх цорын ганц арга бол манай хоёр орон хооронд байгаа зөрчлийг харилцан ярилцах замаар шийдэх явдал, бид урагш ахихын тулд харилцан ярилцах хэрэгтэй, ингэж байгааж бид маргаантай бүх асуудлыг, тэр дотор Кашмирын асуудлыг шийдэж чадна” гэж Имран Хан мэдэгдлээ.

Эртний Кашмирын газар нутгийн маргаан Энэтхэг, Пакистан хооронд тэртээ 1947 оноос хойш, өөрөөр хэлбэл Британийн колони байсан Энэтхэг тусгаар тогтнож, хоёр улс болон хуваагдсанаас хойш өнөөг хүртэл үргэлжилж байгаа юм. Кашмирын асуудлаас болж Энэтхэг, Пакистан улс хоёр ч удаа дайтсан. Одоогийн байдлаар Кашмирт улсын хил гэж байхгүй, мужийн газар нутгийг хяналтын бүс заагладаг. Кашмирын Энэтхэгт хамаарах хэсэгт Кашмирыг тусгаар тогтнохын төлөө тэмцдэг олон бүлэг маш идэвхтэй үйл ажиллагаа явуулдаг.

Мэдээж хэрэг Нью-Дели үүнд Исламабадыг террористуудыг дэмжиж буйд буруутгадаг ч Пакистан эдгээр зэмийг эрс няцаадаг. Имран Хан энэ сарын 17-нд Пакистаны парламентын доод танхим буюу Үндэсний ассамблейд болсон санал хураалтаар Пакистаны засгийн газрын шинэ тэргүүнээр сонгогдсон. 272 депутатын 176 нь Ханыг дэмжсэн.

Нийтэлсэн: Moнголын мэдээ

Пакистаны ерөнхий сайд Энэтхэгийн удирдагчдад харилцан ярилцахыг уриаллаа  
Үзсэн: 285 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү

Бидэнтэй нэгдээрэй