Шууд Chart

Чихрийн шижингийн шалтгаант нүдний хүндрэлийн талаар хэлэлцлээ

2018-09-03 16:01:29

Эрүүл мэндийн яамнаас Монголын нүдний эмч нарын нийгэмлэг, Монголын диабетийн холбоотой хамтран “Чихрийн шижингийн шалтгаант нүдний хүндрэлээс урьдчилан сэргийлэх, харааны гажгийн эрт илрүүлэлт, харааны шилний тусламж, үйлчилгээний талаар туршлага солилцох олон улсын уулзалт"-ыг зохион байгууллаа.

Уулзалтад Эрүүл мэндийн яамны нүд, дотор судлалын мэргэжлийн салбар зөвлөл, нийслэлийн Эрүүл мэндийн газар, Дэлхийн эрүүл мэндийн байгууллага, Дэлхийн диабетийн холбоо, Монголын нүдний эмч нарын нийгэмлэг, Монголын диабетийн холбоо, АШУҮИС, Орбис ОУ-ын байгууллага, БНХАУ-ын Сохорлоос сэргийлэх “He eye” байгууллага, Хараа зүйн ОУ-ын байгууллагын төлөөлөл оролцон, бодлого, тогтолцоо, үйл ажиллагааныхаа талаарх туршлага, мэдээлэл солилцлоо.

Энэхүү үйл ажиллагааны хүрээнд Улсын нэгдүгээр төв эмнэлэг, Сүхбаатар дүүргийн Эрүүл мэндийн төв, Өрхийн эмнэлэг, хувийн хэвшлийн эрүүл мэндийн байгууллага, Төв аймгийн Баяндэлгэр сумын үйл ажиллагаатай танилцаж, Монгол Улсын чихрийн шижингийн шалтгаант нүдний хүндрэлийн үеийн тусламж, үйлчилгээний өнөөгийн нөхцөл байдал, урьдчилан сэргийлэлт, тогтолцоог боловсронгуй болгох, харааны гажгийн эрт илрүүлэлт, харааны шилний тусламж, үйлчилгээг сайжруулахад цаашид хамтран ажиллах чиглэлийг тогтоох зорилгоор  Эрүүл мэндийн яамны газар, хэлтсийн удирдлагуудтай зөвлөлдөх зорилготой юм.

Нийтэлсэн: Эрүүл мэндийн яам

Чихрийн шижингийн шалтгаант нүдний хүндрэлийн талаар хэлэлцлээ   
Үзсэн: 226 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү

Бидэнтэй нэгдээрэй