Шууд Chart

Гадаад харилцааны сайд Д.Цогтбаатар "Фэйсбүүк" компанийн төлөөлөгчидтэй уулзав

2018-09-06 17:35:57

Гадаад харилцааны сайд Д.Цогтбаатар "Фэйсбүүк" компанийн Ази, Номхон далайн бүсийн Хонгконг, Тайвань, Монгол Улсыг хариуцсан захирал Жорж Чен тэргүүтэй төлөөлөгчдийг хүлээн авч уулзав.

Сайд Д.Цогтбаатар Монгол Улсыг сурталчлахад цахим медиа, олон нийтийн сүлжээг түлхүү, үр өгөөжтэй ашиглах, мэдээллийн үнэн бодит байдал болон аюулгүй байдлыг хангахад анхаарч байгаагаа дурдаад хамгийн анхны e-chembassy буюу цахим элчин сайдын яам, худалдааны тэнхим байгуулах чиглэлээр хамтран ажиллах сонирхолтой байгаагаа онцлов.

"Фэйсбүүк" компанийн Ази, Номхон далайн бүсийн Монгол Улсыг хариуцсан захирал Жорж Чен Монгол Улсын Фейсбүүк хэрэглэгчдийн тоо жил ирэх тусам өсөн нэмэгдэж байгааг дурдаад гадаад харилцаа, гадаад сурталчилгааг хөгжүүлэхэд хамтран ажиллах боломжтойг онцлон тэмдэглэсэн байна. Түүнчлэн ГХ-ны сайд Д.Цогтбаатарыг боломжтой үедээ АНУ-ын Калифорни мужид байх Фейсбүүк компанийн төв оффист зочилж, ажилтнуудад нь лекц уншихыг урилаа.


Гадаад харилцааны сайд Д.Цогтбаатар "Фэйсбүүк" компанийн төлөөлөгчидтэй уулзав   
Үзсэн: 242 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү

Бидэнтэй нэгдээрэй