Шууд Chart

Энэ долоо хоногт цаг агаар ямар байх вэ?

2018-09-10 12:34:29

Цаг уур, орчны шинжилгээний газраас гаргасан 2018 оны 9 дүгээр сарын 10-наас 9 дүгээр сарын 17-ныг хүртэлх цаг агаарын урьдчилсан мэдээг та бүхэнд хүргэж байна.


- Хугацааны эхэн ба дунд үеэр бороо хур тунадас орж, сэрүүснэ -

Баруун аймгуудын нутгаар: Есдүгээр сарын 12-нд зарим газраар, 13-нд нутгийн зүүн хэсгээр бороо хур тунадас, уулархаг нутгаар нойтон цас орно. Салхи 12,16-нд Алтайн  уулсаар, 13-нд зарим газраар 14-16м/с хүрч ширүүснэ. 12-нд нутгийн баруун хэсгээр, 13-нд ихэнх нутгаар сэрүүсч Алтай, Хангай, Ханхөхий, Түргэний уулс, Завхан голын эх, Хүрэн бэлчир орчмоор шөнөдөө 2-7 хэм хүйтэн, өдөртөө 8-13 хэм дулаан, Алтайн өвөр говиор шөнөдөө 8-13 хэм, өдөртөө 19-24 хэм, бусад нутгаар шөнөдөө 4 хэм дулаанаас 1 хэм хүйтэн, өдөртөө 11-16 хэм дулаан байна. Бусад хугацаанд дулаарна.


Төвийн аймгуудын нутгаар: Есдүгээр сарын 10, 13-нд ихэнх нутгаар, 11, 14-нд нутгийн зүүн хэсгээр бороо, Хангай, Хөвсгөлийн уулархаг нутгаар нойтон цас орно. Салхи 10-11,13-14нд зарим газраар 12-14 м/с хүрч ширүүснэ. 10-11, 13-14 нд сэрүүсч Дархадын хотгор, Хангай, Хөвсгөл, Хэнтэйн уулс, Тэрэлж орчмоор шөнөдөө 1-6 хэм  хүйтэн өдөртөө 7-12 хэм, бусад нутгаар шөнөдөө 0-5 хэм дулаан, 11, 14-нд хөрсөн дээр 1-3 хэм хүрч цочир хүйтэрнэ. Өдөртөө 10-15 хэм дулаан байна. Бусад хугацаанд ихэнх нутгаар өдөртөө дулаарна.



Зүүн аймгуудын нутгаар: Есдүгээр сарын 11, 15-нд ихэнх нутгаар, 14-нд зарим газраар бороо, Хэнтийн уулсаар нойтон цас орно. Энэ хоногуудад салхи ихэнх нутгаар 14-16 м/с хүрч ширүүснэ. 11, 14-15-нд сэрүүсч нутгийн хойд хэсгээр шөнөдөө 0-5 хэм, хөрсөн дээр 1-3 хэм хүрч цочир хүйтэрнэ. Өдөртөө 8-13 хэм, нутгийн өмнөд хэсгээр шөнөдөө 5-10 хэм, өдөртөө 13-18 хэм дулаан байна. Бусад хугацаанд дулаан байна.


Говийн аймгуудын нутгаар: Есдүгээр сарын 11-нд нутгийн зүүн хэсгээр, 13-нд нутгийн өмнөд хэсгээр, 14-нд зарим газраар бороо орно. Салхи 10-11, 14-15нд зарим газраар 14-16 м/с хүрч ширүүснэ. 11, 14-нд ихэнх нутгаар сэрүүснэ. Бусад хугацаанд ихэнх нутгаар шөнөдөө 9-14 хэм өдөртөө 22-27 хэм дулаан байна.


Энэ долоо хоногт цаг агаар ямар байх вэ?  
Үзсэн: 660 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү

Бидэнтэй нэгдээрэй