Шууд Chart

Хангайн бүсэд байгаль орчны судалгаа шинжилгээ, сургалт мэдээллийн төв байгууллаа

2018-09-10 17:15:09

Монгол Улсын Засгийн газар, Холбооны бүгд найрамдах Герман улсын Засгийн газар хооронд байгуулсан буцалтгүй тусламжийн хэлэлцээрийн дагуу Биологийн олон янз байдлыг хамгаалах, уур амьсгалын өөрчлөлтөд дасан зохицох төслийн санхүүжилтээр баригдсан “Судалгаа шинжилгээ, сургалт мэдээллийн Хангайн бүсийн төв”-ийн барилгын түлхүүрийг хүлээлгэн өгөх ёслолын үйл ажиллагаа Архангай аймгийн Цэцэрлэг хотод боллоо.



Энэхүү ёслолын үйл ажиллагаанд Архангай аймгийн засаг дарга Ц.Мөнхнасан, Холбооны бүгд найрамдах Герман улсаас Монгол Улсад суугаа ЭСЯ-ны Хөгжлийн хамтын ажиллагааны хэлтсийн дарга ноён Кристиан Гласс, Байгаль орчин, аялал жуулчлалын яамны Уур амьсгалын өөрчлөлт, гадаад хамтын ажиллагааны газрын дарга ноён Х.Батжаргал, Германы сэргээн босголтын банкны Монгол дахь салбарын төслийн зохицуулагч хатагтай н.Энхзул, Биологийн олон янз байдлыг хамгаалах, уур амьсгалын өөрчлөлтөд дасан зохицох төслийн зөвлөх багийн ахлах зөвлөх ноён Хартмут Аббергер, Биологийн олон янз байдлыг хамгаалах, уур амьсгалын өөрчлөлтөд дасан зохицох төслийн зохицуулагч н.Оргил, Архангай аймгийн байгаль орчны салбар байгууллагуудын дарга, ажилтнууд оролцлоо.


Хангайн бүсэд байгаль орчны судалгаа шинжилгээ, сургалт мэдээллийн төв байгууллаа  
Үзсэн: 217 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү

Бидэнтэй нэгдээрэй