Шууд Chart

“Улаанбаатар-2018" олон улсын дүрслэх урлагийн наадам өнөөдөр хаалтаа хийнэ

2018-09-12 08:59:30

МУЭ-ээс Монгол Улсын Ерөнхийлөгчийн ивээл дор “Улаанбаатар-2018" олон улсын дүрслэх урлагийн наадмыг энэ сарын 5-нд нээсэн бол өнөөдөр хаалтын үйл ажиллагаагаа хийнэ.

Уг наадам нь дүрслэх урлагаар дамжуулан олон нийт болон залуу үеийнхний урлаг соёлын боловсролыг нэмэгдүүлж, Монгол Улсын Дүрслэх урлагийг дэлхий нийтэд сурталчлан таниулах үндсэн зорилготой бөгөөд олон улсын уран бүтээлчдийн бүтээлүүдээс эх орондоо дэлгэн үзүүлснээр улс орнуудын урлаг соёлын ялгааг дүгнэн харах боломж нээгдэх юм.

Тус олон улсын наадамд Монгол, Орос, Хятад гурван улсын кураторууд ажиллах юм. 

Фестивалийн хүрээнд Монгол Улсад үйл ажиллагаа явуулж буй галерейнуудад  (Үүнд: МУЭ-ийн арт галерей, UB арт галерей, Цагаан уул арт галерей, Q арт галерей, 976 арт галерей, MN 17 арт галерей, Best арт галерей, Өв арт галерей, Хаан галерей, Норпей арт галерей ) Монголын шилдэг уран бүтээлчдийн үзэсгэлэн дэлгэгдэх ба уг наадмын гол павилон нисэх явах замд байрлах Морьтны хөшөөнд байх юм.

Мөн энэхүү олон улсын наадамд БНХАУ ( И Сан, Ли Хонгбо, Жианг Феймо), Швед (Жоанэс Ниэлсон), Эстониа (Сим-Танел Аннус), Мьянмар (Мин Тэйн Сунг), Австрали (Тан Лаурэнс), БНСУ (Ли Квон Соеп), ОХУ-аас (Жигжит Баясгаланов, Юрий Мандаганов, Татьяна Бороноева) зэрэг олон улсын шилдэг уран бүтээлчид хүрэлцэн иржээ.

Мөн наадмын нэг томоохон үйл явдал нь БНХАУ-ын алдарт барималч И Сан өөрийн бүтээл болох “Хил хязгааргүй соёл иргэншил” бүтээлээ уг олон улсын наадамд зориулан Монгол Улсын засгийн газарт хандивлах үйл ажиллагаа боллоо.  

Нийтэлсэн: У.Баярсайхан

“Улаанбаатар-2018" олон улсын дүрслэх урлагийн наадам өнөөдөр хаалтаа хийнэ  
Үзсэн: 179 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү

Бидэнтэй нэгдээрэй