Шууд Chart

Будапештийн дэвжээ манайханд хэзээнээс ээлтэй

2018-10-18 13:24:37

Бөхийн төрлүүдийн 2018 оны насанд хүрэгчдийн ДАШТ нөгөөдөр Унгарын нийслэл Будапештэд болно.

Эрэгтэйчүүдийн 49, эмэгтэйчүүдийн 30 дахь удаагийн тэмцээнд Унгарын домогт боксчин Ласло Паппын нэрэмжит “Будапешт арена”-д (энэхүү ордонд өнгөрсөн жил жүдогийн насанд хүрэгчдийн ДАШТ болсон) зохион байгуулагдах юм. Мажарууд 1985, 1986, 2005, 2013, 2016 оны ДАШТ-ийг зохион байгуулсан бөгөөд энэ жил зургаа дахь удаагаа хүлээн авна.

Монголын бөхчүүдэд Будапештийн дэвжээ хэзээнээс ээлтэй бөгөөд энд болсон таван дэлхийн аваргад дөрвөн мөнгө, есөн хүрэл, нийт 13 медаль хүртсэн байдаг. Тодруулбал, 1985 онд гавьяат тамирчин Авирмэдийн Энхээ 62 кг-д, гавьяат тамирчин Буяндэлгэрийн Болд 68 кг-д мөнгө, гавьяат тамирчин Лувсангийн Энхбаяр агсан 74 кг-д хүрэл, ирэх жил нь А.Энхээ гавьяат 62 кг-д хүрэл медаль хүртэж, дэлхийн аваргын хос медальтан болж байв.

Тэгвэл 19 жилийн дараа буюу 2005 онд гавьяат тамирчин Баяраагийн Наранбаатар 55 кг-д, гавьяат тамирчин Цогтбазарын Энхжаргал 51 кг-д хүрэл, 2013 онд хөдөлмөрийн баатар, гавьяат тамирчин Соронзонболдын Батцэцэг, ОУХМ Эрдэнэчимэгийн Сумъяа мөнгө, Ганзоригийн Мандахнаран, Очирбатын Бурмаа, Очирбатын Насанбурмаа, Тунгалагийн Мөнхтуяа хүрэл, 2016 онд Даваасүхийн Отгонцэцэг хүрэл медалийн эзэд болсон түүхтэй.

Нийтэлсэн: У.Баярсайхан

Будапештийн дэвжээ манайханд хэзээнээс ээлтэй  
Үзсэн: 1080 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү
zochin [78.231.9.xxx] 2018-10-18 16:06
ikh magtakh azulta, magtsan okhin khurmandaa gej medekh uuuuuuuuuu
zochin [103.9.90.xxx] 2018-10-18 15:24
odoo ene eeltei gesen muhar svseg bisherllee bolimoor bainaa bvh buhchvvd beltgeld surguulaltaa sain hiij setgel zvin undur beltgeltei sain barildah estoi eh ornihoo turiin duulaliig egshiglvvlne gesen chin ermelzeltei oroltsoh estoi.hun bvr dor bvrnee uursdiin haritslagaa uhamsarlaj baih estoi
Зочин [202.21.98.xxx] 2018-10-18 15:19
Гавьяат тамирчин Үйтүмэн боксоор мөнгөн медаль хүртсэн шүү

Бидэнтэй нэгдээрэй