Шууд Chart

МХБХ-ны шүүгчид “бүл нэмлээ”

2018-11-07 09:14:27

Монголын хөлбөмбөгийн холбооноос жил бүрийн футзалын улирлын өмнө зохион байгуулдаг футзалын анхан шатны шүүгчийн сургалт энэ сарын 2-5-ны хооронд болж өнгөрлөө. Тус сургалтад 50 оролцогч хамрагдсанаас  20 нь эмэгтэй гэнэ.

Футзалын анхан шатны шүүгчийн сургалтын онолын хичээлийг Олон улсын хөлбөмбөгийн холбоо (ОУХБХ)-ны талбайн шүүгч Д.Түмэнбаяр заасан бол Азийн хөлбөмбөгийн холбоо (АХБХ)-ны Элит шүүгч Р.Жаргалсайхан практик дасгал, заалт, гүйлтийн хичээл оржээ.

Тус сургалтад хамрагдсан төгсөгчдөөс 30 анхан шатны шүүгч цааш гүнзгийрүүлэн сурахаар болжээ. Тэд гурван сарын хугацаанд бэлтгэл хийж, найман удаа практик шалгалт өгч тэнцвэл МХБХ-ны зэрэглэлтэй шүүгчийн эрх авах юм.

Сонирхуулахад, дараагийн анхан шатны шүүгчийн сургалт дөрвөн сарын дараа болох аж.



Нийтэлсэн: Т.Болор-Эрдэнэ

МХБХ-ны шүүгчид “бүл нэмлээ”  
Үзсэн: 265 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү

Бидэнтэй нэгдээрэй