Шууд Chart

Үндэсний аврах бригадын хамт олон тэргүүллээ

2018-11-08 10:18:34

Онцгой байдлын байгууллагын “Урлагийн наадам” өчигдөр Үндэсний аврах бригадад амжилттай зохион байгуулагдаж, аваргуудаа шалгарууллаа.

Тус наадамд ОБЕГ, Гамшиг судлалын хүрээлэн, Үндэсний аврах бригад, Давтан сургалт, сэргээн заслын төв, Хүнсний нөөцийн салбарууд, “Аврагч” биеийн тамир-техникийн спорт хороо, ХСИС-ийн Онцгой байдлын сургууль, НОБГ-ын таван багийн 300 гаруй алба хаагч оролцож, дуу, хөгжим, бүжиг, язгуур урлаг, жүжигчилсэн тоглолт гэсэн төрлүүдээр өрсөлдөж, шилдгүүдээ тодруулсан юм.

Дууны төрөлд шилдгээр ОБЕГ-ын харьяа Үндэсний аврах бригадын аврагч Э.Амарбаяр, бүжгийн төрлийн шилдгээр НОБГ-ын мэргэжилтэн Г.Золжаргал, хөгжмийн төрлийн шилдэг үзүүлбэрээр Хүнсний нөөцийн салбарын мэргэжилтэн Г.Ариунтуяа, язгуур болон жүжигчилсэн тоглолтын төрөлд Давтан сургалт, сэргээн заслын төв, Хүнсний нөөцийн салбарууд, “Аврагч” биеийн тамир-техникийн спорт хорооны хамт олны үзүүлбэрүүд тус тус шалгарлаа.

Харин нийлбэр дүнгээр гуравдугаар байрыг ХСИС-ийн Онцгой байдлын сургууль, хоёрдугаар байрыг Онцгой байдлын ерөнхий газар, нэгдүгээр байрыг Үндэсний аврах бригадын хамт олон тус тус эзэлсэн юм гэж Онцгой байдлын ерөнхий газраас мэдээллээ.

 


Үндэсний аврах бригадын хамт олон тэргүүллээ  
Үзсэн: 241 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү

Бидэнтэй нэгдээрэй