Шууд Chart

БНХАУ "J-20" тийрэлтэт онгоцныхоо давуу талыг анх удаа нийтэд үзүүллээ

2018-11-12 12:52:45

БНХАУ "J-20" тийрэлтэт онгоцныхоо давуу талыг анх удаа нийтэд үзүүллээ. Ням гарагт Хятадын ардын чөлөөлөх армийн нисэх хүчний 69 жилийн ой тохиож, энэ өдөр болсон үзүүлэх нислэгийн үеэр тус улс "J-20" нэртэй сайжруулсан тийрэлтэт онгоцуудаа нисгэжээ.

Онгоц тус бүр холын тусгалын дөрөв, бага тусгалын хоёр пуужин тээж, 10 минут орчим агаарын үзүүлбэр хийж, пуужингуудаа үзүүлсэн байна. Энэ тухай Хятадын шинжээч "Бээжин Америкийн F-22, F-35 зэрэг байлдааны шилдэг онгоцуудтай харьцуулагддаг "J-20" тийрэлтэт онгоцныхоо давуу талыг харууллаа гэж хэлснийг хэвлэлүүд уламжилжээ.

Мөн пуужингийн тухайд "J-20" хэмээх энэ онгоц нь агаарт хатуу хяналт тогтоох чадавхтай олон төрлийн пуужин тээх боломжтой гэж шинжээч тайлбарлажээ.

"J-20" хэмээх байлдааны энэ тийрэлтэт онгоц дэлхий дээр одоо ажиллаж байгаа тав дахь үеийн цөөн хэдэн онгоцны нэг юм. Энэ онгоцыг АНУ-ын F-22, F-35 онгоцуудтай зэрэгцүүлэн үздэг юм.   

Нийтэлсэн: Mонголын радио

БНХАУ "J-20" тийрэлтэт онгоцныхоо давуу талыг анх удаа нийтэд үзүүллээ   
Үзсэн: 1055 Mongolian National Broadcaster  

Анхааруулга:

Монгол Улсад коронавирус COVID-19 бүртгэгдсэнтэй холбогдуулан Монгол Улсын Засгийн газрын 2020 оны 03 дугаар сарын 10-ны өдрийн хуралдаанаас өгсөн чиглэлийг үндэслэн тус сайтын сэтгэгдэл бичих талбарыг түр хааж байгааг үүгээр мэдэгдэж байна.
MNB.mn сайтын редакц
Утас: 70127055

Бидэнтэй нэгдээрэй