Шууд Chart

Хабиб Нурмагомедов бусад лигийн саналыг хүлээн авч магадгүй

2018-12-07 08:55:10

Холимог тулааны Оросын тэргүүлэх тамирчин, Америкийн UFC лигийн хөнгөн жингийн аварга Хабиб Нурмагомедов Ирландын тулаанч Конор МакГрэгорыг ялсныхаа дараа багаа орхихоор шийдсэн билээ. Энэ тухай түүний аав, дасгалжуулагч Абдулманап Нурмагомедов ярьжээ. Хүү нь МакГрэгорыг ялсны дараа энд тэндээс маш олон санал хүлээж авсан гэдгийг аав нь онцлов. 

Хабиб UFC-тэй байгуулсан гэрээ ёсоор бол дахиад нэг тулаан хийх ёстой. Энэ хооронд түүнд янз бүрийн байгууллагаас сонирхолтой санал ирж байгаа гэнэ. Гэрээ нь дуусгавар болонгуут UFC Хабибт шинэ гэрээ санал болгох нь мэдээж. 

Гэхдээ нөхцөл байдал өөрчлөгдсөн гэдгийг аав нь мэдэгджээ. Өмнө нь хэдэн мянган ам.долларын хөлс гэж ярьдаг байсан бол одоо хэдэн сая ам.долларын асуудал яригдах болсон аж. Хэрэв санхүүгийн талд зөвшилцөлд хүрч чадахгүй бол бусад лигүүдийн сонирхолтой саналуудыг хүлээж авна гэдгийг аав нь онцолжээ. 

Нийтэлсэн: У.Баярсайхан

Хабиб Нурмагомедов бусад лигийн саналыг хүлээн авч магадгүй   
Үзсэн: 1042 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү

Бидэнтэй нэгдээрэй