Шууд Chart

Г.Ариунбаатар Марийнский театрт ажиллах урт хугацааны гэрээ байгуулжээ

2019-01-08 09:49:10

Дэлхийн сонгодог урлагт эх орныхоо нэрийг гаргаж яваа дуучдын нэг Монгол Улсын гавьяат жүжигчин, “Чингис хаан” одонт Г.Ариунбаатар Санкт-Петербургийн Марийнский театрт дахин дуулахаар болжээ.

Хэдийгээр оны өмнө дээрх театрын дотоодын үйл ажиллагаа хурцдаж Г.Ариунбаатар дуучны багшийг театраас хөөх шийдвэр гарахад тэрбээр багшийгаа даган тус театрыг орхих хүслээ илэрхийлж байсан юм. Тэгвэл Марийнский театр түүнийг дахин урьж, урт хугацааны гэрээтэйгээр ажиллахаар болжээ.

Энэ тухайгаа Г.Ариунбаатар "Шинэ оны эхний долоо хоногт олон нислээ шүү. 2019 он ажил, амьдралын хувьд маш их өөрчлөлт авчирч байна. Учир нь Марийнский театрт урт хугацааны гэрээ байгуулж, хилийн чанадад амьдрах болсон. Энэ мундаг театраар овоглож, дэлхийн олон газраар цуурайтна" гэсэн байв.

Г.Ариунбаатар 2017 онд “BBC Cardiff Singer of the World” уралдааны “Романс” төрөлд тэргүүн байр эзэлж, “Ари” төрөлд дэлхийн таван дуучны нэг болж байсан юм.

Тэрбээр Монгол Улсын урлагийн гавьяат зүтгэлтэн, төрийн шагналт Б.Шаравын хөгжим, Монгол Улсын соёлын гавьяат зүтгэлтэн З.Түмэнжаргалын “Монголын тал нутаг” дууг дуулж, дэлхийн тайзнаа Монголын сонгодог урлагийг эгшиглүүлсэн билээ.

Түүнийг өнгөрөгч онд “Авьяаслаг Монголчууд” шоуны шүүгчээр ажилласаныг уншигч та мэдэх билээ.

Нийтэлсэн: У.Баярсайхан

Г.Ариунбаатар Марийнский театрт ажиллах урт хугацааны гэрээ байгуулжээ   
Үзсэн: 1325 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү
Энхбулаг [127.0.0.xxx] 2019-01-11 17:59
Уг нь сайхан мэдээ. Эхлээд уншихад Марийнскийн театртай муудалцаад эргээд дахин хамтрах болж байгаа мэтээр төөрүүлсэн байна шүү хө хэ хэ
Kkkk [127.0.0.xxx] 2019-01-10 06:41
Manaihan neeren alna alna ... bichij baigaa ni ch ter ... bichuulj baigaa ni ch ter...kkkkkk
Зочин [127.0.0.xxx] 2019-01-09 01:56
Энэ сэтгүүлч, түүний мэдээг хянаж байдаг редактор нар юу хийж байдаг байнаа. Буриадад Марийнскийн театр бхйдаг гэнээ. Хольж хутгаад хачин юм бичих юм ? Болиочоо, юмаа судлаачээ, дуучинтайгаа холбогдоочээ, энэ мэдээндээ залруулга хийгээчээ!
Зочин [127.0.0.xxx] 2019-01-09 04:47
Uuchlaarai Ene Teatr Sankt Peterburg d baidag bolno
Зочин [127.0.0.xxx] 2019-01-08 12:53
Gereegee ikh l uhaantai hiih heregtei shuu
Зочин [127.0.0.xxx] 2019-01-08 12:52
Buryadiin teatraas iree biz dee haana baidag marinski teatert duulah gej baigaa yum bol ene setguulchid tolgoj erguulchih yumaa medleggyu yumnuud
Зочин [127.0.0.xxx] 2019-01-08 11:57
Амжилт хүсье.
Иргэн [127.0.0.xxx] 2019-01-08 10:57
Ямар гоё юм бэ? Авьяаслаг монгол хүүдээ баяр хүргэж, улам их амжилт гаргахыг хүсэн ерөөе.

Бидэнтэй нэгдээрэй