Шууд Chart

Төв, орон нутгийн Онцгой байдлын байгууллагын удирдлагуудтай үр дүнгийн гэрээ байгууллаа

2019-01-11 17:22:29

Онцгой байдлын ерөнхий газраас байгууллагын 2019 оны үйл ажиллагааны зорилго, зорилт, сургуулийн жилийн сургалт бэлтгэлийн онцлог, төрийн цэргийн шинэчлэлийн бодлого, төрийн албаны шинэчлэлийн талаар мэдээлэл өгөх, удирдах бүрэлдэхүүний штабын бэлтгэлийг хангуулах зорилгоор “Онцгой байдлын байгууллагын удирдах ажилтны цугларалт”-ыг энэ сарын 9-11-ний өдрүүдэд зохион байгууллаа.

Цугларалтын үеэр Онцгой байдлын ерөнхий газрын дарга, хошууч генерал Т.Бадрал төв, орон нутгийн Онцгой байдлын байгууллагын удирдлагуудтай 2019 оны төрийн албан хаагчийн үр дүнгийн гэрээг байгуулав.

Хошууч генерал Т.Бадрал, нийт удирдлагуудад хандан, төрийн албаны тухай хууль тогтоомж, стандарт, ёс зүйн хэм хэмжээг чанд сахих, цэргийн сахилга, ёс зүй, хариуцлагыг албан хэмжээнд өндөржүүлж, онцгой байдлын байгууллагын хэмжээнд дэвшүүлсэн зорилтыг биелүүлэн ажиллахыг үүрэг болгоод ажлын амжилтыг хүслээ гэж Онцгой байдлын ерөнхий газраас мэдээллээ.

 


Төв, орон нутгийн Онцгой байдлын байгууллагын удирдлагуудтай үр дүнгийн гэрээ байгууллаа  
Үзсэн: 378 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү

Бидэнтэй нэгдээрэй