Шууд Chart

“Алтжин”-ийн босс Г.Алтан үнэтэй хөөрөгний цуглуулгаараа толгой цохьдог

2019-02-01 12:52:00

Монголын улс төрд болоод бизнесмэнүүдийн дунду нөлөө бүхий хатагтай бол энэ цагийн тэргүүн баячуудын нэг Алжингийн босс Г.Алтан юм. Тэрбээр хэвлэл, мэдээллээр янз бүрээр бичигдсээр өдийг хүрсэн тул уншигч таны эчнээ танил болов уу. Ийн сайн, муугаар хэлүүлэх Г.Алтан хатагтай эмэгтэй хүнд баймгүй нэгэн сонин хоббитой аж. Тухайлбал түүнд хэр баргийн хүн эдэлж хэрэглэхээргүй өндөр үнэ бүхий олон хөөрөг байдаг гэнэ.

Өдгөө сар шинийн баяр дөхсөн энэ үед эрднийн чулуун хөөрөгний үзэсгэлэн болсон байна.

Түүнд манай улс төр болоод бизнесийнхэн жолоочийнхоо нэр дээр хөөргөө сойж, үнэ ханш, байр суурийг нь үзэх гэж сойсон сурагтай. Энэхүү үзэсгэлэнгийн үеэр Г.Алтангийн хөөрөгнүүд ч сойгдсон нь аж.

Түүний хөөрөгний цуглуулгад XVII, XVIII зууны үеэс уламжлагдаж ирсэн хоёр шүрэн хөөрөг бий гэсэн. Асар нарийн хийцтэй, эртний хөөрөгний нэгийг нь цуглуулагчид “Хатагтай” хэмээн нэрийддэг байна.

Харин нөгөө нь XVIII зууны үеийн түүх соёлын дурсгалд хамаарагдах бөгөөд цул шүрийг ухаж, давхар бумба хэлбэртэй хоёр хөөрөг болгоод навч, жимс тэргүүтнээр чимэглэсэн нандин хийцтэй хөөрөг аж.

Зоосон тамгатай, эртний хээ угалзан чимэглэлтэй пийсүү хөөрөг ч мөн түүний цуглуулгад үнэтэй байр суурь эзэлдэг. Түүний цуглуулгад ихэвчлэн уран дархчуулын гар болоод оюуны ур шингэсэн, эртний хөөрөг байдаг.

Тухайлбал, дундад зууны үеэс уламжлагдан ирсэн, бухын дүрстэй мана хөөрөг түүний нандин цуглуулгын бас нэгэн чамин чимэг болдог байна. Магадгүй энэ цуглуулган нь эрчүүдтэй нөхөрлөж, бизнесийн уулзалт хийн ойлголцход дөхөм байдаг биз.

Нийтэлсэн: У.Баярсайхан

“Алтжин”-ийн босс Г.Алтан үнэтэй хөөрөгний цуглуулгаараа толгой цохьдог  
Үзсэн: 1322 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү
алтан [127.0.0.xxx] 2019-02-01 16:05
хүүхэдүүдээ ийм нэр өгмөөр юм байна даа .баяжихыг хүсдэг хүмүүс хэхэ
Zog [127.0.0.xxx] 2019-02-01 15:07
Mnb tv giin alban yesni haygaar sar medee unsgina gej zuudelsengui

Бидэнтэй нэгдээрэй