Шууд Chart

"Токио-2020" паралимпод оролцох эрх авсан тамирчдад амжилт хүслээ

2019-03-12 14:36:29

Боловсрол, соёл, шинжлэх ухаан спортын сайд Ё.Баатарбилэг "Токио-2020" Паралимпийн наадамд оролцох эрх авсан тамирчид болон Паралимпийн холбооны удирдлагыг хүлээн авч уулзлаа.

Уулзалтын эхэнд сайд, Паралимпод оролцох эрх авсан тамирчиддаа баяр хүргээд, яамны зүгээс "Токио-2020" олимпод бэлтгэх Үндэсний хорооны ажлыг эрчимжүүлэх, эрхийн төлөөх тэмцээнүүдэд тамирчдаа дэмжих, өргөн хүрээнд оролцуулах, гадаадын дасгалжуулагч, тамирчидтай хамтарсан бэлтгэл хийлгэх зэрэг олон ажлыг төлөвлөн ажиллаж байна гэлээ.

Паралимпийн холбооны удирдах зөвлөл "Токио-2020" паралимпод 10 тамирчин эрх авч оролцуулна гэж төлөвлөсөн. Үүнээс дөрвөн тамирчин болзлоо ханган эрхээ аваад байна. Цаашид таеквондо төрөлд 2-3 эрх, жүдо бөхийн төрөлд 3 эрх авна гэж төлөвлөж байгаа бол үүн дээр нэмээд Япон Улсад бэлтгэл хийж байгаа хөнгөн атлетикийн тамирчид эрх нэмж чадна гэж үзэж байгаа аж.

Паралимпийн тамирчдын хувьд тусгай шаардлага хангасан тоног төхөөрөмж шаардлагатай. Тухайлбал, буудлагын тэмцээнд оролцох тамирчны тэргэнцэр намддаг учраас зориулалтын тэргэнцэр, дасгалын сум, пауэрлифтингийн тамирчдад тусгай вандан штанк зэрэг тоноглол шаардлагатай байгааг тамирчид сайдад уламжиллаа.

Эх орныхоо нэрийг өндөрт өргөж, Паралимпод оролцох эрх авсан тамирчдад БСШУС-ын сайд хүндэтгэл үзүүлж, амжилт хүслээ. 


"Токио-2020" паралимпод оролцох эрх авсан тамирчдад амжилт хүслээ   
Үзсэн: 129 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү

Бидэнтэй нэгдээрэй