Шууд Chart

АНУ Талибантай энхийн гэрээ байгуулахаар тохиролцлоо

2019-03-13 12:37:34

АНУ Талибантай энхийн гэрээ байгуулахаар тохиролцлоо. Талууд Афганистанаас америк цэргүүдийг гаргах зэрэг заалтуудыг багтаасан энэ гэрээг байгуулахаас гадна яриа хэлэлцээгээ цаашид үргэлжлүүлнэ гэж тохиролцоод байна гэж "NHK" мэдээллээ.

АНУ-ын тусгай төлөөлөгч Залмай Халилзад тэргүүтэй төлөөлөгчид Талибаны талтай Катарт хийж эхэлсэн яриа хэлэлцээ 16 өдөр үргэлжилж мягмар гарагт дууссан байна. Энэ нь өнгөрөгч оны долоодугаар сард уулзалт яриа эхэлснээс хойш хамгийн удаан үргэлжилсэн яриа хэлэлцээ болж байгааг ч сануулж байна.

Уулзалтын дараа тусгай төлөөлөгч Залмай Халилзад “Талууд алан хядах ажиллагааны эсрэг баталгаа гаргаж, америк цэргүүдийг гаргах талаар тусгасан гэрээний төсөлд санал нэгдэж тохиролцоо” гэж твиттерт жиргэжээ.

Энэ удаагийн уулзалтаар АНУ-ын талаас Афганистанд алан хядах үйл ажиллагаа сэргэхээс болгоомжлон зэвсэгт бүлгүүдээс холбоогоо тасална гэдэг баталгааг Талибанаас гаргуулах зорилготой байсан. Энэ талаар АНУ-ын тусгай төлөөлөгч “Талибан болон Афганы Засгийн газар терроризмын эсрэг явуулж байгаа арга хэмжээг дуусгаж, америк цэргүүдийг тэндээс гарах үед гал зогсоох цогц шийдэлд хүрэх яриа хэлэлцээ хийж эхэлнэ” гэж хэлсэн байна.

Гэхдээ америкчууд чухам хэдийд Афганаас гарах талаар цаг хугацааг тохироогүй гэж Талибаны талын эх сурвалжууд ярьсныг "NHK" уламжилж байна. Талибчуудын хувьд аль болох хурдан америк цэргүүдийг гаргах шаардлага тавьж байгаа ч, Вашингтон болгоомжилсон байр суурьтай байгаа юм. 

Нийтэлсэн: Mонголын радио

АНУ Талибантай энхийн гэрээ байгуулахаар тохиролцлоо  
Үзсэн: 410 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү
ALLAHIN AHAN DUUS [127.0.0.xxx] 2019-03-13 14:14
TALIBAN AMERICA PAKISTAN WITH LOVE FROM CHINA

Бидэнтэй нэгдээрэй