Шууд Chart

Товлолт вакцинд хамрагдаагүй хүүхдүүд улаанбурханаар өвдөх эрсдэл өндөртэй

2019-03-13 14:01:46

Улаанбурхан өвчнөөр товлолт вакцинд хамрагдаагүй хүүхдүүд өвдөх эрсдэл өндөртэй. Өнөөдрийн байдлаар улаанбурхан өвчний хоёр тохиолдол лабораторийн шинжилгээгээр баталгаажаад байна.

Анхны тохиолдол Өмнөговь аймагт бүртгэгдсэн. "Оюутолгой" компанид ажилладаг 39 настай энэтхэг залуу гадаад улсаас зөөвөрлөж ирсэн. Харин хоёр дахь тохиолдлоор Говьсүмбэр аймгийн дунд сургуулийн сурагч, 13 настай хүү бүртгэгджээ. Энэ өвчин нь амьсгалын замаар халдварладаг учир бага насны хүүхэд, жирэмсэн эмэгтэйчүүд, улаанбурханы дархлаа тогтоогүй насныхан өвчлөх эрсдэлт өндөртэйг Халдварт өвчний судлалын үндэсний төвөөс анхаарууллаа.

ХӨСҮТ-ийн Эрчимт эмчилгээний эмч н.Ууганчимэг өвчний шинж тэмдэг, эрсдлийн талаар мэдээлэл хүргэлээ. Улаанбурхан өвчин манай улсад өмнө нь 2015-2016 он дамжин хоёр жилийн хугацаанд дэгдсэн. Энэ үеэр 52 мянга гаруй хүн өвчилж, 100 гаруй нялхас нас барж байсан харамсалтай тоо баримт бий. Иймд бага насны хүүхдээ товлолт вакцинд хамруулах, дархлаа тогтоогүй насанд хүрэгсэд сайн дураар 2 тунт вакцин хийлгэхийг зөвлөлөө.


Товлолт вакцинд хамрагдаагүй хүүхдүүд улаанбурханаар өвдөх эрсдэл өндөртэй  
Үзсэн: 218 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү

Бидэнтэй нэгдээрэй