Шууд Chart

“Ганга мөрний уянга” Энэтхэг бүжгийн улсын 22 дахь уралдаан боллоо

2019-03-18 11:27:28

Жил болгон зохион байгуулагддаг “Ганга мөрний уянга” Энэтхэг бүжгийн улсын 22 дахь уралдаан амжилттай болж өнгөрлөө.

Энэ уралдаан ерөнхий боловсролын сургуулийн I-XII ангийн сурагчдын дунд бага, дунд, ахлах насны ангилал болон гоцлол, хамтлаг төрлөөр зохиогддог юм.

Энэ жилийн хувьд зургаан дүүрэг /Багануур, Баянгол, Баянзүрх, Сонгинохайрхан, Сүхбаатар, Хан-Уул/, 11 аймгийн /Архангай, Булган, Дархан-Уул, Дорнод, Дорноговь, Завхан, Өвөрхангай, Сэлэнгэ, Хөвсгөл, Орхон, Төв/ 260 сурагч, бүжиг дэглээч, багш оролцжээ.

Уралдааны зорилго нь өсвөр насны хүүхэд багачуудад БНЭУ-ын ардын болон үндэсний бүжгийн урлагийг сурталчлан таниулах, өсвөрийн бүжигчдийн бүжиглэх ур чадварыг сайжруулах, тэдний авьяасыг нээн хөгжүүлэхэд оршдог. Гурван насны ангиллын тэргүүн байр эзэлсэн шилдэг бүжигчин охид Энэтхэг ардын бүжигчин Коушики Лалатиката хамтран “Гала” тоглолтыг зохион байгууллаа.

Нийт 108 сурагчийг шалгаруулж шагнажээ. Мөн сурагчдын бүжгийг найруулан, дэглэсэн 23 багшид “Ялгуун” брэндийн гарын бэлэг, Энэтхэг ардын ном гардуулсан байна.

Нийтэлсэн: У.Баярсайхан

“Ганга мөрний уянга” Энэтхэг бүжгийн улсын 22 дахь уралдаан боллоо  
Үзсэн: 729 Mongolian National Broadcaster  

Анхааруулга:

Монгол Улсад коронавирус COVID-19 бүртгэгдсэнтэй холбогдуулан Монгол Улсын Засгийн газрын 2020 оны 03 дугаар сарын 10-ны өдрийн хуралдаанаас өгсөн чиглэлийг үндэслэн тус сайтын сэтгэгдэл бичих талбарыг түр хааж байгааг үүгээр мэдэгдэж байна.
MNB.mn сайтын редакц
Утас: 70127055

Бидэнтэй нэгдээрэй