Шууд Chart

Болзолт уралдаан зохион байгуулах хороо хуралдлаа

2019-04-18 11:40:05

Өсвөр үеийнхэнд олимпийн соёл, түүх, үнэт зүйлийг түгээн дэлгэрүүлэх, олимпийн боловсрол ба хүмүүжлийг эзэмшүүлэх, эдгээрээр дамжуулан бие бялдрын өв тэгш хөгжлийг хангах, авьяас, чадварыг нь нээн илрүүлэх, олимпийн зөвлөл, олимпийн танхимуудын үйл ажиллагааг боловсронгуй болгох, биеийн тамирын багш нарын бүтээлч идэвх, санаачилга болон хөдөлмөрийн үнэлэмжийг дээшлүүлэх зорилгоор Монголын үндэсний олимпийн хороо, Монголын үндэсний олимпийн академиас хамтран "Олимпийн боловсрол ба бие бялдрын хүмүүжил" сэдэвт болзолт уралдааныг Монгол Улсын нийт ерөнхий боловсролын сургуулийн дунд зохион байгуулж байна.

Тус болзолт уралдааныг зохион байгуулах хорооны анхдугаар хурал МҮОХ-ны хурлын танхимд зохион байгуулагдаж, ажлын төлөвлөгөөг хэлэлцэн гишүүд санал солилцов. Энэ хурлаар болзолт уралдааны хүрээнд Биеийн тамир, спортын дээд сургуулиуд, Төрийн байгууллагууд, Спорт холбоод, Телевизийн байгууллагуудтай хамтран ажиллаж, хүүхэд багачууд, оюутан залуус, олон нийтийг түлхүү хамруулахыг онцлов.









Нийтэлсэн: Т.Болор-Эрдэнэ

Болзолт уралдаан зохион байгуулах хороо хуралдлаа  
Үзсэн: 194 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү

Бидэнтэй нэгдээрэй