Шууд Chart

Алеппо хотод автомашины аккумулятор, машины тосны үйлдвэр дахин нээлээ

2019-04-18 13:57:13

Сирийн Алеппо хотод автомашины аккумулятор, машины тосны үйлдвэр дахин нээгдлээ. Шейх Саид дүүрэгт л гэхэд хар тугалган ялтсыг хайлуулахаас угсрах хүртэлх бүх үе шат дамжлагыг нэвтрүүлж, ачааны болон суудлын автомашины аккумулятор, мөн нарны зай хураагуурын үйлдвэр ашиглалтад орсон байна.

Уг үйлдвэрийг Алеппо хотын нуранги дээрээс босгожээ. Шейх Саид дүүргийг дайчид хамгийн түрүүнд эзлэн авч, үнэтэй тоног төхөөрөмж, суурь машинуудыг нь хулгайлж, хар зах дээр зарсан юм. Харин энэ үйлдвэрийг эргээд ажиллагаанд оруулахын тулд жил хагасын хугацааг зарцуулжээ.

Түүнчлэн Алеппо хотын Шейх Нажар дүүрэгт машины тосны үйлдвэр нээгдсэн байна. Энэ үйлдвэр ОХУ-аас тосоо худалдан авч, шаардлагатай нэмэлтээ хийгээд хэрэглэгчдэд хүргэдэг. Дайнаас өмнө жилд 13 мянган тонн моторын тос үйлдвэрлэдэг байсан энэ үйлдвэр одоо 4000 тонныг л нийлүүлэх хүчин чадалтай гэнэ.

Алеппод дайнаас өмнө алдартай байсан ихэнх үйлдвэр өнөөдөр ажлаа тэгээс эхэлж байгаа юм.

Нийтэлсэн: Mонголын радио

Алеппо хотод автомашины аккумулятор, машины тосны үйлдвэр дахин нээлээ  
Үзсэн: 154 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү

Бидэнтэй нэгдээрэй