Шууд Chart

Төрийн архивын удирдах ажилтны нэгдсэн зөвлөгөөн өнөөдөр эхэллээ

2019-04-18 15:47:06

Архивын ерөнхий газраас “Төрийн архивын удирдах ажилтны нэгдсэн зөвлөгөөн”-ийг жил бүр уламжлал болгон зохион байгуулж, салбарын үйл ажиллагаа, хөгжил дэвшил, хүндрэл бэрхшээлийг зөвлөлдөж, шийдвэрлэх арга замаа тодорхойлж ирсэн уламжлалтай билээ.

Тус зөвлөгөөн нь 1957 оноос эхлэлтэй бөгөөд энэ сарын 18, 19-ний өдрүүдэд Улаанбаатар хотноо зохион байгуулагдаж байна. Зөвлөгөөнд ХЗДХЯ-ны Төрийн нарын бичгийн дарга Г.Билгүүн, Архивын ерөнхий газрын дарга С.Энхбаатар, төв, орон нутгийн төрийн архивын удирдлагууд, ЗГХЭГ, ХЗДХЯ, АЕГ, Түүх, археологийн хүрээлэн, Үндэсний музей, МУБИС зэрэг байгууллагын төлөөлөл оролцож байна.

Энэ удаагийн зөвлөгөөнөөр “Архив, албан хэрэг хөтлөлт, төрийн байгууллагын ажлын зохион байгуулалтын улсын үзлэг”-ийн бэлтгэл хангахад анхаарах асуудлууд, шинээр батлагдсан Төрийн албаны хуулийн хүрээнд батлагдан гарч байгаа эрх зүйн актын талаар, төрийн архивуудад хийгдэж байгаа цахимжуулалтын ажлын явц, үр дүн, цаашдын төлөв, төрийн архивуудын 2018 оны үйл ажиллагаанд хийсэн мониторингийн талаар хэлэлцэж байна.

“Төрийн архивын удирдах ажилтны нэгдсэн зөвлөгөөн”-д оролцож буй зочид, төлөөлөгч нартаа амжилт хүсье.


Төрийн архивын удирдах ажилтны нэгдсэн зөвлөгөөн өнөөдөр эхэллээ  
Үзсэн: 146 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү

Бидэнтэй нэгдээрэй