Шууд Chart

“Боинг 737 МAX” загварын шинэчлэгдсэн программ хангамжтай онгоц туршилтын нислэг үйлджээ

2019-04-18 17:16:19

“Боинг 737 МAX” загварын шинэчлэгдсэн программ хангамжтай онгоц гэрчилгээжүүлэлтийн өмнөх техникийн нислэгийн туршилтаа өчигдөр хийлээ. “Боинг” корпорацийн захирал Деннис Меленберг энэ талаар “Бид шинэчлэгдсэн программ хангамжтай техникийн нислэгийн албан ёсны туршилтаа дуусгалаа. Манай техник, төслийн удирдагчид онгоцонд сууж явсан. Энэ бол гэрчилгээт нислэгийн өмнөх хамгийн сүүлчийн туршилтын нислэг юм” гэж мэдэгдсэн байна.

Нисгэгчид “Эм-Си-Эй-Эс” маневрын сайжруулсан системтэй туршилтын 120 нислэгийг 203 цагийн хугацаанд гүйцэтгэжээ. Энэ системийн доголдлоос болж Этиоп улсад “Боинг 737 МАХ” загварын онгоц сүйрсэн гэж үздэг.

Меленберг ч энэ сарын эхээр “737 МAX” загварын хоёр онгоц сүйрэхээс өмнө маневрын системд нь доголдол гарсан гэдгийг хүлээн зөвшөөрсөн юм. “Боинг” компанийн төлөөлөгчид өнгөрөгч гуравдугаар сард “737 МAX” загварын онгоцны нийлүүлэлтээ түр зогсоосноо зарлаж байсан бол дараа нь энэ загварын онгоцны үйлдвэрлэлээ бууруулна гэж мэдэгдсэн билээ.

Нийтэлсэн: Mонголын радио

“Боинг 737 МAX” загварын шинэчлэгдсэн программ хангамжтай онгоц туршилтын нислэг үйлджээ   
Үзсэн: 236 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү

Бидэнтэй нэгдээрэй