Шууд Chart

“Хачгаар дамжих халдвараас сэргийлье” аянд нэгдэн ажиллалаа

2019-04-19 11:41:00

Эрүүл мэндийн яамнаас 2019 оны 04-р сарын 2 дахь 7 хоног буюу 04-р сарын 08-12-ны өдрүүдэд “Хачгаар дамжих халдвараас сэргийлье” аяныг зохион байгууллаа. Тус аяны хүрээнд Өмнөговь аймгийн Зоонозын өвчин судлалын төв нь Ерөнхий боловсролын 4-р сургуулийн дотуур байрны сурагчдад “Хачигт халдваруудын тухай” сэдвээр сургалт хийн, санамж хуудас тараалаа. Мөн Өмнөговь аймгийн Эрүүл мэндийн газар, Бүсийн оношилгоо, эмчилгээний төвтэй хамтран  сум дундын эмнэлэг, сум, өрхийн эрүүл мэндийн төвийн эмч, мэргэжилтнүүдэд “Хачгаар дамжих халдвараас сэргийлье” сэдэвт цахим сургалтыг зохион явууллаа. Тус цахим сургалтад нийт 109 эмч, эмнэлгийн мэргэжилтэн хамрагдлаа. Даланзадгад хотын 8-р багын төвийн мал бүхий иргэдэд “Хачигт халдвар өвчнөөс урьдчилан сэргийлье” сэдэвт яриа таниулгыг хийн, нийт 40 өрхийн 122 иргэд, малчдыг хамруулан, санамж хуудас тараалаа. Даланзадгад хотын худалдааны төвүүдийн мэдээллийн самбарт “Хачигт халдвараас сэргийлэх” зурагт хуудас тавьж, худалдаачдыг мэдээллээр ханган ажилласан. Мөн Даланзадгад сумад үйл ажиллагаа явуулж буй арьс нэхийний ченж нарт “Хачигт халдвараас сэргийлэх” яриа таниулга хийж, санамж тараасан. Байгууллагын цахим хуудсанд нийт хачигт халдвартай холбоотой 14 мэдээлэл нийтлэн, иргэдэд мэдээлэн ажиллалаа.

Өмнөговь аймгийн Зоонозын өвчин судлалын төв


“Хачгаар дамжих халдвараас сэргийлье” аянд нэгдэн ажиллалаа  
Үзсэн: 180 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү

Бидэнтэй нэгдээрэй