Шууд Chart

Баримтат киноны баг Вьетнам улсад ажиллалаа

2019-04-19 12:21:32

Монгол Улс, БНСВУ-ын хооронд дипломат харилцаа тогтоосны 65 жилийн ой 2019 онд тохиож буйтай холбогдуулан хоёр улсын уламжлалт найрсаг харилцаа, өнөөгийн хамтын ажиллагааны тухай баримтат кино бүтээх МҮОНРТ болон ГХЯ-ны төлөөллөөс бүрдсэн баг энэ сарын 11-17-нд Вьетнам Улсад ажиллав. Төлөөлөгчид Вьетнамын Шадар сайд бөгөөд Гадаад хэргийн сайд Фам Бинь Минь, Элчин сайд Д.Билэгдорж, МВНН-ийн дэд тэргүүн Хоанг Туан Тхинь, мөн Вьетнамд суралцагч Монгол оюутнуудаас ярилцлага авч, Үндэсний архивын газар, Баримтат болон ШУ-ны киноны студи, Д.Сүхбаатарын нэрэмжит Вьетнамын Ба Ви-ийн сүүний ферм, “Винфаст” автомашины үйлдвэрийн үйл ажиллагаатай танилцаж, кино зураг авалт хийжээ.

Мөн Монголын талын баг “Вьетнамын дуу хоолой” радио телевизийн нэгдэл /VOV/-ийн дэд ерөнхийлөгч Нго Минь Хиен-тэй уулзалт хийсэн бөгөөд баримтат киногоо энэ оны арваннэгдүгээр сард Монгол болон Вьетнамын телевизээр зэрэг гаргахаар, Вьетнамын талын баримтат киноны баг ирэх есдүгээр сард Монголд ажиллаж, зураг авалт хийхээр тохиролцжээ.

Нийтэлсэн: Т.Болор-Эрдэнэ

Баримтат киноны баг Вьетнам улсад ажиллалаа  
Үзсэн: 169 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү

Бидэнтэй нэгдээрэй