Шууд Chart

Цэвэрлэх байгууламжийн дөрвөн ажилтны ар гэрийнхэнд тус бүрд нь хоёр өрөө байр олгоно

2019-04-22 17:48:40

Ус сувгийн удирдах газрын харьяа Цэвэрлэх байгууламжид энэ сарын 17-ны өдөр үйлдвэрлэлийн осол гарч дөрвөн ажилтан харамсалтайгаар амиа алдсан. Нийслэлийн засаг дарга бөгөөд Улаанбаатар хотын захирагч С.Амарсайхан ослын дараа Төв цэвэрлэх байгууламж дээр яаралтай очиж, ослын нөхцөл байдалтай биечлэн танилцсан билээ. Нийслэлийн Засаг дарга мэргэжлийн байгууллагуудын төлөөллийг оролцуулсан хурлыг газар дээр нь зохион байгуулж, Засаг даргын нэгдүгээр орлогч Ж.Батбаясгалангаар ахлуулсан ажлын хэсгийг байгуулан ажиллуулж байгаа юм.

Түүнчлэн хотын захирагч харамсалтайгаар амиа алдсан дөрвөн ажилчны ар гэрийнхэнтэй уулзаж, холбогдох арга хэмжээг авч байгаагаа дуулгаад, талийгаачдын ар гэрийнхэнд тус бүрт нь хоёр өрөө байр, 36 сарын цалингийн тэтгэмж олгохоор шийдвэрлэснээ өнөөдөр хийсэн хэвлэлийн хурлынхаа үеэр дуулгав. Мөн ерөнхий боловсролын сургуулийн хүүхдүүдийнх нь хичээлийн хэрэгслээс авахуулаад хэрэгцээт бүхий л зүйлээр дэмжин ажиллах болно гэдгээ хэллээ.

 


Цэвэрлэх байгууламжийн дөрвөн ажилтны ар гэрийнхэнд тус бүрд нь хоёр өрөө байр олгоно  
Үзсэн: 267 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү

Бидэнтэй нэгдээрэй