Шууд Chart

Алжирын Ерөнхийлөгчийн сонгуульд 32 нэр дэвшигч оролцох хүсэлт илэрхийлжээ

2019-04-23 15:50:27

Алжирын Ерөнхийлөгчийн сонгуульд 32 нэр дэвшигч оролцох хүсэлтээ илэрхийлсэн тухай “Алжерия Пресс Сервис” мэдээллийн агентлаг мэдээллээ. Ирэх долоодугаар сарын 4-ний өдөр болохоор товлогдсон Төрийн тэргүүний сонгуульд нэр дэвших хүмүүс Дотоод хэргийн яам, орон нутгийн өөрөө удирдах газарт хүсэлтээ гаргасан байна. Тэд бүгд бие даан нэр дэвшигч гэнэ.

Шинэ Төрийн тэргүүнийг сонгох хүртэл Алжирын түр Ерөнхийлөгчөөр 77 настай Абделькадер Бенсалех ажиллаж байгаа юм. Гэхдээ тэрбээр хуулийн дагуу ирэх сонгуульд нэрээ дэвшүүлэх эрхгүй.

Даваа гарагт Алжирын нийслэлд орших Үндэстний ордонд улс төрийн өнөөгийн нөхцөл байдалд дүн шинжилгээ хийх, Ерөнхийлөгчийн сонгуульд бэлтгэх үндэсний зөвлөлдөх уулзалт болсон юм. Бесалехийн санаачлан явуулсан энэ уулзалтаар сонгуульд бэлтгэх, явуулах үндэсний хараат бус газар байгуулах талаар хэлэлцжээ.

Уулзалтад улс төрийн намуудын удирдагчид, иргэний нийгмийн төлөөлөл, түүнчлэн хуульч, Үндсэн хуулийн эрх зүйн мэргэжилтнүүд оролцсон байна. Харин сөрөг хүчнийхэн энэ уулзалтад бүрэн бүрэлдэхүүнээрээ "бойкот" хийжээ.

Нийтэлсэн: Mонголын радио

Алжирын Ерөнхийлөгчийн сонгуульд 32 нэр дэвшигч оролцох хүсэлт илэрхийлжээ   
Үзсэн: 164 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү

Бидэнтэй нэгдээрэй