Шууд Chart

А.Батцэцэг мөнгөн медаль хүртлээ

2019-04-26 09:16:08

Эмэгтэйчүүдийн 59 кг-ын жинд “Жакарта-2018” Азийн наадам болон 2018 оны Азийн АШТ-ий хүрэл, 23 хүртэлх насны ДАШТ-ий мөнгөн медальт, залуучуудын дэлхийн болон Азийн аварга, “Хасу-Мегастарс” клубийн тамирчин ОУХМ Алтанцэцэгийн Батцэцэг мөнгөн медалийн эзэн боллоо. 

Тэрбээр Си-Анийн дэвжээнд шөвгийн наймд Вьетнамын Дао Ти Хуонийг оноогоор цэвэр (10:0), хагас шигшээд 2017 оны залуучуудын ДАШТ-ий хүрэл медальт Энэтхэгийн Манжу Кумариг 15:6-гаар тус тус ялсан. Тэгвэл шигшээ барилдаанд өсвөр үеийн дэлхийн болон Азийн аварга, энэ жилийн Иван Ярыгиний “Алтан Гранпри”-гийн аварга Японы Юзүка Инагакитай хүч үзэж оноогоор цэвэр (0:10) ялагдлаа. 

А.Батцэцэг өнгөрсөн жил Азийн аваргаас хүрэл медаль хүртсэн амжилтаа ахиулж үзүүрлэв.

Нийтэлсэн: У.Баярсайхан

А.Батцэцэг мөнгөн медаль хүртлээ  
Үзсэн: 234 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү

Бидэнтэй нэгдээрэй