Шууд Chart

Уран хөдөлгөөнт гимнастикийн АШТ-ийг Жаргалант сумын баг тэргүүллээ

2019-05-15 17:24:07

Төв аймгийн хэмжээнд цэцэрлэгийн насны хүүхдүүдийн бие бялдарыг чийрэгжүүлэх, гоо зүйн боловсрол олгох, гимнастикийн спортоор дамжуулан хөдөлгөөний эвсэл, тэсвэр хатуужил суулгах, багаар ажиллах чадварт сургах зорилготой аймгийн аварга шалгаруулах тэмцээнийг Жаргалант сумын баг тэргүүллээ.

Уг тэмцээн нь 2003 оноос зохион байгуулж эхэлснээс хойш эдүгээ 16 дахь жилтэйгээ золгож байна.

Төв аймгийн нутгийн удирдлагын байгууллагаас бүх насны иргэдийнхээ эрүүл мэндийг дэмжих, хөдөлгөөний дутагдлын улмаас үүсдэг аливаа өвчлөлөөс урьдчилан сэргийлэх зорилгоор нийтийн биеийн тамир, спортын арга хэмжээг тогтмол зохион байгуулж байгаагийн нэг нь энэхүү тэмцээн юм. 

Тэмцээнд нийт 20 сумын 27 багийн 320 гаруй хүүхэд оролцсоноос дэд байрт мөн Жаргалант сумын “Өгөөмөр цэцэрлэг”-ийн баг, гутгаар байрт Баянцогт сумын баг шалгарав.

Нийтэлсэн: У.Баярсайхан

Уран хөдөлгөөнт гимнастикийн АШТ-ийг Жаргалант сумын баг тэргүүллээ  
Үзсэн: 208 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү

Бидэнтэй нэгдээрэй