Шууд Chart

“Гамшгийн хор уршгийг арилгах олон улсын сургалт, дадлага сургууль”-д оролцож байна

2019-05-20 09:05:25

Непал Улсын арми, АНУ-ын Энэтхэг-Номхон далайн армийн командлалтай хамтран зохион байгуулж байгаа “Гамшгийн хор уршгийг арилгах олон улсын сургалт, дадлага сургууль, туршлага солилцох үйл ажиллагаа”-д ОБЕГ-ын Гамшгаас урьдчилан сэргийлэх газрын хэлтсийн дарга, дэд хурандаа Д.Бат-Эрдэнэ, МУЗН-ийн Гамшгийн менежментийн хөтөлбөрийн мэргэжилтэн Ч.Нямхүү нар оролцож байна.

Энэхүү сургалт нь оролцогч талуудын гамшгаас хамгаалах мэдлэг, чадварыг нэмэгдүүлэх, Ази-Номхон далайн бүсийн улс орнуудын гамшгаас хамгаалах чиглэлээр харилцан ажиллагааг өргөжүүлэх зорилгоор “Гамшгийн үеийн цэрэг-иргэний харилцан ажиллагааг сайжруулж, Ази номхон далайн бүсийн улс орнуудын хамтарсан бэлэн байдлыг нэмэгдүүлэх, хүмүүнлэгийн байгууллагуудын зохион байгуулалтыг хангах” сэдвийн хүрээнд зохион байгуулагдаж байгаа юм.

Сургалт газар хөдлөлтийн гамшгийн эсрэг хариу арга хэмжээ авах онолын болоод хор уршгийг арилгах, цагийн байдлыг үнэлэх команд штабын сургууль, нуранги, уул, уснаас эрэн хайх, хээрийн эмнэлэг дэлгэх, нүүлгэн шилжүүлэх дууриалган үзүүлэх дадлага сургууль болон туршлага солилцох үйл ажиллагаа гэсэн дөрвөн үе шаттайгаар энэ сарын 26-ныг хүртэл үед үргэлжилнэ гэж Онцгой байдлын ерөнхий газраас мэдээллээ.


“Гамшгийн хор уршгийг арилгах олон улсын сургалт, дадлага сургууль”-д оролцож байна  
Үзсэн: 331 Mongolian National Broadcaster  

Анхааруулга:

Монгол Улсад коронавирус COVID-19 бүртгэгдсэнтэй холбогдуулан Монгол Улсын Засгийн газрын 2020 оны 03 дугаар сарын 10-ны өдрийн хуралдаанаас өгсөн чиглэлийг үндэслэн тус сайтын сэтгэгдэл бичих талбарыг түр хааж байгааг үүгээр мэдэгдэж байна.
MNB.mn сайтын редакц
Утас: 70127055

Бидэнтэй нэгдээрэй