Шууд Chart

Цацраг идэвхт хог хаягдал Номхон далайд орох эрсдэлтэй байна

2019-05-20 13:22:04

АНУ-ын цөмийн зэвсгийн туршилтаас үлдсэн цацраг идэвхт хог хаягдал Номхон далайд орох эрсдэлтэй байна. Энэ тухай НҮБ-ын Ерөнхий сайд Антониу Гутерриш мэдэгдлээ.

Тэрбээр АНУ-ын 1970-аад оны сүүлчээр хог хаягдлыг хадгалах зориулалтаар Ранит арал дээр барьсан цөмийн булш эвдэрч, цацраг идэвхт бодис далай руу орж болзошгүй болсон гэв. 

Антониу Гутерриш “Номхон далайн бүс өмнө нь туршилтад өртөж байсан. Бид Маршаллын арлуудын Ерөнхийлөгчтэй уулзахад энэ бүсэд радио идэвхт материал алдагдах эрсдэл өндөр байгаад маш их санаа зовсноо илэрхийлсэн” гэж ярьжээ.

АНУ эдгээр арлын ойролцоо хүйтэн дайны үед цөмийн 67 туршилт явуулсан юм. Тэр дундаа Хирошимад хаясанаас 1000 дахин хүчтэй “Браво” устөрөгчийн бөмбөгийг энд туршсан байдаг.

Тухайн үед Маршаллын арлуудын ихэнх иргэд орон гэрээ орхихоос өөр аргагүй болж, үлдсэн хэсэг нь радио идэвхт хур тунадаст өртсөн юм. АНУ-ын засаг захиргаа дэлбэрэлтээс үлдсэн хөрс, үнсийг хучиж, бетон дээврээр хаасан боловч өдгөө энэ хамгаалалтад нь ан цав үүсч, халуун орны энгийн нэгэн шуурганд л нурж унахад ойртжээ.

Антониу Гутерриш энэ аюулаас урьдчилан сэргийлэх арга хэмжээ авахыг уриалсан байна.

Нийтэлсэн: Mонголын радио

Цацраг идэвхт хог хаягдал Номхон далайд орох эрсдэлтэй байна  
Үзсэн: 113 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү

Бидэнтэй нэгдээрэй