Шууд Chart

Ходака Маруяама сайн дураараа огцрохоос татгалзлаа

2019-05-20 17:06:49

Өмнөд Курилыг цэрэг дайны замаар булаан авах тухай хэлсэн үгнээсээ болж “Ниппон Ишин-но Кай” намаасаа хөөгдсөн Японы парламентын доод танхимын гишүүн Ходака Маруяама сайн дураараа огцорч, парламентын гишүүний суудлаа өгөхөөсөө татгалзлаа. Тэрбээр “Эн-Эйч-Кэй” сувагт даваа гарагт өгсөн ярилцлагынхаа үеэр энэ тухай мэдэгдлээ.

Ходака Маруяама дайнаас татгалзана гэж заасан Японы Үндсэн хуулийг өөрөө зөрчөөгүй гэжээ. Тэрбээр “Би энэ заалтыг зөрчөөгүй. Учир нь “Дайн хийцгээе ээ” гэж уриалан дуудсан хэлбэрээр яриагүй. Би зүгээр ийм асуулт тавьсан. Тэгэхээр Үндсэн хууль зөрчсөн хэрэг биш” гэж мэдэгдсэн байна.

Ходака Маруяама Өмнөд Курилын дөрвөн арал дээр төлөөлөгчдийн хамт айлчлах үеэрээ энэ хэсгийг хүчээр эргүүлэн авахыг дэмжинэ гэж сэтгүүлчдэд мэдэгдсэн байна. Удалгүй хэлсэн үгнээсээ буцаж, тухайн үед бага зэрэг согтуу байснаа хүлээжээ. Энэ явдлын дараа тэрбээр тавдугаар сарын 14-нд намаасаа гарах тухай өргөдөлд гарын үсэг зурсан юм.

Нийтэлсэн: Mонголын радио

Ходака Маруяама сайн дураараа огцрохоос татгалзлаа   
Үзсэн: 139 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү

Бидэнтэй нэгдээрэй