Шууд Chart

"Амин хариуцлага" төслийг хэрэгжүүлнэ

2019-05-21 14:02:31

Хүүхдийг хамгаалах зориулалттай авто машины суудал хэрэглээгүйн улмаас өнгөрсөн онд 1049 хүүхэд зам тээврийн осолд өртөж, 45 хүүхэд амь насаа алджээ. Тиймээс хүүхдийн хамгаалах суудлыг хэрэглэж дадуулахын тулд “Глобал шейпэрс Улаанбаатар нийгэмлэг”-ээс "Амин хариуцлага" төслийг хэрэгжүүлж, 300 хүүхдийг авто машины зориулалтын суудалтай болгоно.

Хамгаалах суудлыг тогтмол ашиглах нь зам тээврийн ослын үед хүүхэд амь насаа алдах эрсдлийг 90 хувиар, хүнд гэмтэх эрсдлийг 75 хүртэлх хувиар бууруулдаг байна. Энэ оны дөрөвдүгээр сар гэхэд зам тээврийн осолд 219 хүүхэд өртөж, 56 нь хүнд гэмтэл авч, 16 хүүхэд амь насаа алджээ.

Осолд өртсөн хүүхдийн 31 хувь нь зорчих үедээ гэмтэж бэртсэн байна. Үүний гол шалтгаан нь хүүхдийг буруу тээвэрлэсэнтэй холбоотой гэж "Глобал шейпэрс Улаанбаатар" нийгэмлгийн зохицуулагч н.Маралмаа ярьж байна.

Гадаад улсад оршин суудаг монгол иргэдийг оролцуулан хамгаалах суудлыг хандиваар цуглуулж, улмаар санхүүгийн боломж багатай гэр бүлүүдэд хандивлах юм байна.


"Амин хариуцлага" төслийг хэрэгжүүлнэ   
Үзсэн: 213 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү

Бидэнтэй нэгдээрэй