Шууд Chart

“Форд” компани 7000 орчим ажилтан цомхотгоно

2019-05-21 14:06:25

АНУ-ын авто машин үйлдвэрлэгч “Форд” компани дэлхий даяар нийт 7000 орчим ажилтнаа халахаар төлөвлөж байгаагаа зарлалаа. Үүнээс 900 орчмыг нь энэ долоо хоногт цомхотгоно гэж тус компанийн Ерөнхий захирал Жим Хекет цахим шуудангаар ажилтнууддаа мэдэгджээ.

Тэр дундаа менежер, оффисын ажилтнуудын дунд цомхотгол ихээр явуулна. Өөрөөр хэлбэл, оффисын ажилтнуудын 10 орчим хувь нь ажилгүй болно гэжээ. “Форд” компани дахин зохион байгуулалт хийж, ажилтнуудаа цомхотгосноор жил бүр 600 сая долларын зардал хэмнэнэ гэж тооцоолж байна.

Цомхотголд өртөх нийт ажилтны 2300 орчим нь АНУ-ын иргэд байх юм. Үлдсэн хэсэг нь гадаадад байдаг “Форд”-ын ажилтнууд байх аж. Цомхотгол ирэх наймдугаар сар гэхэд дуусна.

Өнгөрсөн оны эцсийн байдлаар “Форд” компани дэлхий даяар нийт 199 мянган ажилтантай байсан. Энэ нь өмнөх оныг бодвол 3000-аар бага гэсэн үг юм.

Нийтэлсэн: Mонголын радио

“Форд” компани 7000 орчим ажилтан цомхотгоно  
Үзсэн: 160 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү

Бидэнтэй нэгдээрэй