Шууд Chart

СХД дэх цагдаагийн 1-р хэлтсийн ахлахуудын зөвлөл сайн үйлсийн аян зохион байгууллаа

2019-05-21 14:44:13

Сонгинохайрхан дүүрэг дэх цагдаагийн нэгдүгээр хэлтсийн ахлахуудын зөвлөлөөс санаачлан алба хаагчийнхаа нийгмийн асуудлыг шийдвэрлэх чиглэлээр сайн үйлсийн аян зохион байгуулжээ.

Тус хэлтсийн  цагдаа жолооч, цагдаагийн ахлагч Д.Нямжавыг 2019.05.12 ны өдөр авто эргүүлд ажилаа хийж байх хугацаанд нь тус дүүргийн нутаг дэвсгэрт байрлах  гэр нь шатсан байна. Гэр шатах үед эхнэр нь гурван хүүхэдтэйгээ байсан тул галын аюулаас  хүүхдүүдийнхээ амь насыг аварчээ. Гэр нь шатсан алба хаагчийнхаа тулгамдсан асуудлыг шийдвэрлэж, тус цагдаагийн хэлтсийн алба хаагчид байгууллагынхаа хэмжээнд сайн үйлсийн аяныг шуурхай зохион байгуулж, таван ханатай шинэ гэр, ор, зурагт зэрэг эд зүйлсийн хамт бэлэглэсэнд алба хаагчийн гэр бүл, үр хүүхдүүд баяртай байна. 

Цагдаагийн ахлагч Д.Нямжав нь цагдаагийн байгууллагад 9 дахь жилдээ ажиллаж байна.  Ард олныхоо амар амгаланг сахиулах алба үүргээсээ гадна алба хаагчдынхаа нийгмийн асуудлыг шийдвэрлэхэд санаачлагатай ажилласан Сонгинохайрхан дүүрэг дэх цагдаагийн нэгдүгээр хэлтсийн ахлахуудын зөвлөл болон алба хаагч нартаа ажлын амжилт хүсэж байна.


СХД дэх цагдаагийн 1-р хэлтсийн ахлахуудын зөвлөл сайн үйлсийн аян зохион байгууллаа  
Үзсэн: 120 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү

Бидэнтэй нэгдээрэй