Шууд Chart

Стандарт хангаагүй усыг төвлөрсөн шугам сүлжээнд хүлээн авахыг хориглолоо

2019-05-21 15:12:30

Энэ сарын 15-ны өдрөөс эхлэн стандарт хангаагүй усыг төвлөрсөн шугам сүлжээнд хүлээн авахыг хориглолоо. Одоогийн байдлаар Улаанбаатар хотод үйл ажиллагаа эрхэлж байгаа ус бохирдуулагч найман төрлийн 238 аж ахуйн нэгж үйл ажиллагаа эрхэлж байна.

Эдгээр үйлдвэр, аж ахуйн нэгж, байгууллагад лабораторийн шинжилгээтэй хяналт, шалгалтыг Мэргэжлийн хяналтын ерөнхий газраас хийхэд бохир усанд агуулагдах PH, химийн хэрэгцээт хүчилтөрөгч, биохимийн хэрэгцээт хүчилтөрөгч, сульфид, хром зэрэг элементүүд нь “Хүрээлэн байгаа орчин, Усны чанар, Ариутгах татуургын сүлжээнд нийлүүлэх хаягдал ус, Ерөнхий шаардлага болон стандартад заасан зөвшөөрөгдөх хэмжээнээс 4-7 хэд дахин их байна. Үүнээс шалтгаалан Улаанбаатар хотын төв цэвэрлэх байгууламжийн технологийн горим алдагдаж, байгаль орчинд сөргөөр нөлөөлж байна. Тиймээс стандартын шаардлага хангаагүй усыг төвлөрсөн шугам сүлжээнд хүлээн авахгүй байх шийдвэрийг гаргасан гэж Барилга хот байгуулалтын яамнаас өнөөдөр мэдээллээ.

Барилга хот байгуулалтын яамны газрын дарга н.Лхагвацэдэнгийн ярианд анхаарлаа хандуулъя.


Стандарт хангаагүй усыг төвлөрсөн шугам сүлжээнд хүлээн авахыг хориглолоо  
Үзсэн: 304 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү
Зочин [127.0.0.xxx] 2019-05-24 17:30
Өмнө нь хүлээн авч байсан болж таарч байнаа даа.

Бидэнтэй нэгдээрэй